უკრაინის პრეზიდენტმა, ვოლოდიმირ ზელენსკიმ ავსტრალიის პარლამენტს სიტყვით მიმართა:
“ხშირად ამბობენ, რომ დაუსჯელი ბოროტება უკან ბრუნდება. მე დავამატებდი: დაუსჯელი ბოროტება ბრუნდება ფრთაშესხმული, ყოვლისშეძლეობის განცდით. მსოფლიოს რომ რუსეთი იმისთვის დაესაჯა, რაც მათ 2014 წელს გააკეთეს, 2022 წელს უკრაინაში შეჭრისას ჩადენილი არც ერთი საზარელი ქმედება არ იარსებებდა. ჩვენ ახლა უნდა გამოვასწოროთ ეს საშინელი შეცდომები.”
“უკრაინაში ისინი (Bushmaster-ის ჯავშანტექნიკა) ჩვენი საერთო თავისუფლებისთვისა და უსაფრთხოებისთვის ბევრად მეტს გააკეთებენ, ვიდრე თქვენს მიწაზე უფუნქციოდ ყოფნისას”. – თქვა უკრაინის პრეზიდენტმა.
ზელენსკის გამოსვლის შემდგომ, ავსტრალიის პრემიერ მინისტრმა, სკოტ მორისონმა და თავდაცვის მინისტრმა, პიტერ დატონმა განაცხადეს, რომ ავსტრალია სამხედრო დახმარების სახით უკრაინას დამატებით 25 მილიონ ავსტრალიურ დოლარს, დაახლოებით 19 მილიონ აშშ დოლარს გამოუყოფს.
უახლესი პაკეტი, რომელიც ქვეყნის ჯამურ სამხედრო დახმარებას 116 მილიონ ავსტრალიურ დოლარს აჭარბებს, მოიცავს ტაქტიკურ მატყუარაებს, საჰაერო და სახმელეთო უპილოტო სისტემებსა და სამედიცინო მარაგს. განცხადებაში Bushmaster მოწყობილობები მითითებული არ იყო.
კომენტარები