საქართველოს პრეზიდენტმა, სალომე ზურაბიშვილმა Foreign Policy-თან ინტერვიუში, თქვა:
“საქართველო ვერ დაუწესებს რუსეთს ინდივიდუალურ სანქციებს, რადგან ქვეყნის ხორბლის იმპორტის დიდი ნაწილი და ხილის ექსპორტის დიდი ნაწილი რუსეთზე მოდის.”
ქვეყნის მთავარსარდალმა, კიევისა და თბილისს შორის ურთიერთობის გაფუჭების მცდელობაში მიხეილ სააკაშვილი დაადანაშაულა და თქვა:
“კიევის გადაწყვეტილება, გაეწვია საქართველოდან ელჩი, ქართული ოპოზიციური პარტიების უკრაინის ლიდერებთან გარკვეული კავშირების ბრალია, კერძოდ, მიხეილ სააკაშვილი ცდილობს უკრაინაში თავისი მეგობრული კავშირების გამოყენებას ორ ქვეყანას შორის ურთიერთობების გასაფუჭებლად.”
“საქართველო სწორი მიმართულებით მიდის”,– ეს ის ფრაზაა, რომლითაც ასრულებს ინტერვიუს სალომე ზურაბიშვილი.
შეგახსენებთ, ჯერ კიდევ მარტში, მინისტრმა დავითაშვილმა ბრძანა, რომ ხორბლის შემოტანის ალტერნატივა იქნება ყაზახეთი, თუმცა, როგორც ჩანს, ხორბლის იმპორტიორი ქვეყნის შეცვლა მხოლოდ მაშინ მოხდება, როცა/თუ რუსეთი გვეტყვის უარს ხორბლის მოყიდვაზე.
ლევან დავითაშვილი:
“ყაზახეთი არის უპირობო ალტერნატივა დღეისათვის, თუ არ იქნება რუსული ხორბალი.
დღეისთვის არ არის აკრძალული რუსული ხორბლის ექსპორტი საქართველოში, თუმცა ბევრი სამრეწველო პროდუქტი რუსეთმა აკრძალა, მათ შორის, საქართველოში ექსპორტი აიკრძალა და ეს ჩანაცვლდება ძირითადად ჩინური და სამხრეთ-აღმოსავლეთ აზიის ქვეყნებში წარმოებული პროდუქციით. პერიოდულად ჩვენ ვიღებთ ამერიკულ ხორბალს, ასევე არის ევროკავშირის რამდენიმე ქვეყანა.”
კომენტარები