საფრანგეთში მცხოვრები ნუგზარ სულაშვილი ქოლცენტრების თაღლითურ სქემაზე წერს, რომელშიც ქართველი ახალგაზრდები ჩართეს.,,სულ არ ჰკიდიათ სამშობლოს ბედ-იღბალი… ათიათასობით ახალგაზრდა იჯდა ქოლცენტრებში და მსოფლიო თაღლითის ხელშეწყობით ძარცავდა ევროპის პენსიონერებს. გახრწნა თაობები ამ პირწავარდნილმა აფერისტმა და ასწავლა სხვისი ჯიბიდან გამდიდრების მაქინაცია. სად არის ახალგაზრდობაო, ვკითხულობდით შეშფოთებულები და ამ დროს ჩვენი ,,ნიჭიერი” ახალგაზრდობა ევროპას ძარცავდა და უამრავ ადამიანს უმწარებდა სიცოცხლეს…რითი ხართ უფრო აღმატებულნი იმ მომპარავებისგან განსხვავებით, რომლებიც მაღაზიებიდან წინდებს თუ სნიკერსებს იპარავენ? მათ მიერ მიყენებული ზარალი თუ მილიონის ფარგლებშია, თქვენ მიერ მიყენებული ზარალი მილიარდებს ასცდა…ხომ გააგებინეთ მსოფლიოს, რომ საქართველო თაღლითების ქვეყანაა?! არ აქვს მნიშვნელობა, ამ ბინძურ საქმეში ვინ რა დატვირთვით იღებდა მონაწილეობას, ვინ ქოცი იყო და ვინ ნაცი. დამნაშევათა მონაცემები ევროპის ტრანსნაციონალური კრიმინალური დანაშაულის წინააღმდეგ ბრძოლის დეპარტამენტს უკვე გააჩნია და მიმდინარეობს გამოძიება”.
კომენტარები