“ხელისუფლების ჩამოშლის შემთხვევაში ის ნამდვილად ჩამოვა და ციხეში კი არ წავა, არამედ ხელისუფლების სათავეში, მაგრამ…” – დავით ზურაბიშვილი

პოლიტიკოსი, დავით ზურაბიშვილი:

“რაც შეეხება სააკაშვილის ჩამოსვლა-არჩამოსვლას.

ახლა ეგ რომ იმ თვითმფრინავს მართლა გამოჰყვეს, რომლის ბილეთის ასლიც დაგვიდო თავის კედელზე, ხომ ტრაპზევე დაადებენ ხელბორკილებს?

გიჟიაო კი ამბობენ მასზე, მაგრამ ამდენად გიჟიც არაა. ციხეში ჯდომა რომ ნდომებოდა, აქამდე ჩამოვიდოდა, ჩაჯდებოდა და ახლა შეიძლება გამოსულიც ყოფილიყო. ციხეში მჯდომი სააკაშვილი რომ რევოლუციის ალის გამჩაღებელი ნაპერწკალი ვერ იქნება, ეს არა მგონია სადაო იყოს

რასაკვირველია, ნაცმოძრაობის გამარჯვების და ხელისუფლების ჩამოშლის შემთხვევაში ის ნამდვილად ჩამოვა და ციხეში კი არ წავა, არამედ ხელისუფლების სათავეში, მაგრამ თუ ნაცმოძრაობა ვერ იმარჯვებს და ხელისუფლება არ ინგრევა, რატომ უნდა ჩამოვიდეს? ციხეში რომ წავიდეს იმიტომ?

აქედან გამომდინარე, ერთადერთი რეალური შედეგი, რაც სააკაშვილის ჩამოსვლის გამო ატეხილ აჟიოტაჟს მოჰყვება, არის ნაცმოძრაობის და ქართული ოცნების ამომრჩეველთა უფრო აქტიური მობილიზება, არსებული პოლარიზაციის გაღრმავება და შუის გაკრეფის მორიგი მცდელობა.

იმედს ვიტოვებ, რომ ეს მცდელობა ამჯერად მაინც არ იქნება წარმატებული.”