ხაბეიშვილის გამო სიდედრი ერთი კვირა სახლში არ მიშვებდა – ზარქუა

ქართული ოცნების დეპუტატი, ირაკლიო ზარქუა, ენმ-ს წევრის, ლევან  ხაბეიშვილის ირაკლი კობახიძეზე გაკეთებულ განცხადებას გამოეხმაურა, სადაც ოპოზიციონერმა დეპუტატმა კობახიძე “შეუმდგარ რუსის მოურავად” მოიხსენია და თქვა:

“2018 წელს საკრებულოში გვიჩივლა მე და ჩემს სიდედრს. 3 მილიონის ქონება გადაუფორმა ზარქუამ თავის სიდედრს 2016-შიო. აღმოჩნდა, რომ ის ხალხი იქ 70-იანი წლებიდან ცხოვრობს, მე დაბადებულიც არ ვიყავი და ერთი კვირა სახლში არ მიშვებდა სიდედრი. გვიჩივლა და პროკურატურაში დავდიოდით ჩვენებაზე. ამას აგრძელებს ახლაც.

ახლა თქვა ირაკლი კობახიძეზე, არშემდგარი ადამიანიო. ადამიანზე, რომელმაც გერმანიაში მიიღო განათლება, ხარისხი დაიცვა, ერთ-ერთი ევროპული კონსტიტუციის შემოქმედია და ვინ ლაპარაკობს? ხაბეიშვილი, რომელიც შემდგარი მასხარაა.”