“კაცს, რომელსაც ერთ დროს წარმატებული ბანკირის იმიჯი ჰქონდა, დღეს არის მევახშე და სააკაშვილის მსახური” – ღარიბაშვილი ხაზარაძეზე

პარტია “ლელოს” ლიდერის მამუკა ხაზარაძის განცხადებას, რომ ირაკლი ღარიბაშვილს წარმოდგენა არ აქვს რას ნიშნავს თვითმმართველობა, წაკითხული არ აქვს კონსტიტუცია და კანონები, პრემიერ -მინისტრი პასუხობს.

ღარიბაშვილის თქმით,  კაცს, რომელსაც ერთ დროს წარმატებული ბანკირის იმიჯი ჰქონდა, დღეს  არის მევახშე და სააკაშვილის მსახური.

“ხაზარაძე არის იქ, სადაც უნდა იყოს ის ყოველთვის იყო სააკაშვილის ერთგული მსახური; იგი იყო სააკაშვილის კრიმინალური დავალებების მოსამსახურე. ბიზნესების დატერორების, ქონებების წართმევის და შემდეგ ბანკის საშუალებით მთელი ამ ტრანზაქციების გატარების უბადლო შემსრულებელი. კაცმა, რომელსაც ერთ დროს წარმატებული ბანკირის იმიჯი ჰქონდა, როგორ უნდა მოახერხო, რომ დღეს დაგარქვან მევახშე და სააკაშვილის მსახური. საერთოდ როგორ ბედავს ეს კაცი, რომ ჩვენზე და ლაპარაკობს, თვითმმართველობაზე და დემოკრატიაზე. ამიტომ ღირსია, ამიტომაც უპასუხა ხალხმა და 2%-ზე მეტს ვერ იღებს არჩევნებზე. ასეც დაამთავრებს კრახით, ისევე, როგორც წინა არჩევნებზე დაამთავრა“, – განაცხადა ღარიბაშვილმა.