• რეკლამა
  • კონტაქტი
18:08, ოთხშაბათი, 18 ნოემბერი, 2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

კათოლიკოს-პატრიარქი მიმართვას ავრცელებს

ალია ავტორი - ალია
00:12 06-27-2026
- ახალი ამბები, მთავარი
A A
0
Facebook-ზე გაზიარება
6,492

საქართველოს საპატრიარქო, კათოლიკოს-პატრიარქის, შიო მესამის მიმართვას ავრცელებს:

🔸 32-ე საერთაშორისო სამეცნიერო კონფერენცია „პავლენის“ ორგანიზატორებსა და მონაწილეებს

თქვენო მაღალყოვლადუსამღვდელოესობავ,
ვერიის, ნაუსისა და კამპანიის მიტროპოლიტო პანტელეიმონ,

ყოვლადსამღვდელონო მღვდელმთავარნო,
ღირსნო მამანო,

სამეცნიერო და აკადემიური წრეების წარმომადგენელნო,
ბატონებო და ქალბატონებო,

ქრისტესმიერი სიყვარულითა და პატივისცემით მივესალმები ვერიის, ნაუსისა და კამპანიის სამოციქულო მიტროპოლიის ეგიდით მოწვეულ ტრადიციულ, რიგით 32-ე საერთაშორისო სამეცნიერო კონფერენციას, რომელიც ერთა მომაქცევლის, დიდებულ მოციქულ პავლეს ხსოვნასა და ღვაწლს ეძღვნება.

თქვენო მეუფებავ, მიტროპოლიტო პანტელეიმონ, უპირველეს ყოვლისა, გამოვხატავ ჩემს უღრმეს პატივისცემასა და ძმურ მადლიერებას თქვენ მიმართ. საყოველთაოდ აღიარებული და გამორჩეულია თქვენი ღვაწლი; აგერ უკვე 32 წელია, მამობრივი მზრუნველობითა და დაუცხრომელი საეკლესიო შემართებითა წარმართავთ ამ უმნიშვნელოვანეს საეკლესიო და აკადემიურ შეკრებას, სახელწოდებით – „პავლენი“. მთელი მართლმადიდებლური სამყარო გულითადად აფასებს თქვენს დაუღალავ შრომას, რომლის წყალობითაც ისტორიული ქალაქი ვერია, ოდესღაც თავად პავლე მოციქულის ღვთივსულიერი ქადაგების ადგილი, დღეს თანამედროვე საღვთისმეტყველო აზრის, სამეცნიერო დიალოგისა და მართლმადიდებლური ერთობის მძლავრ კერად იქცა.

გმადლობთ გულთბილი მოწვევისა და იმ შესაძლებლობისთვის, რომ საქართველოს სამოციქულო ავტოკეფალური მართლმადიდებელი ეკლესია, ჩვენი წარმომადგენელი მღვდელმთავრის სახით, კვლავაც ამ წმინდა და სულიერი დღეების თანამონაწილეა.

წლევანდელი სამეცნიერო ფორუმის თემა – „პავლე მოციქული და ნათლისღება“ – უაღრესად აქტუალური და ფუნდამენტურია მართლმადიდებლური ეკლესიოლოგიისა და სოტერიოლოგიისათვის. საორიენტაციო თეზისების მრავალფეროვნება მოწმობს, რომ დასახული საკითხები თანამედროვე ეპოქაშიც უცვლელად ინარჩუნებს თავის აქტუალობას და სამეცნიერო ძიებათა ამგვარი სისავსე ამომწურავ პასუხებს გასცემს ჩვენი დროის უამრავ სულიერ, ეგზისტენციალურ თუ დოგმატურ შეკითხვას.

განსაკუთრებით დასაფასებელია, რომ აკადემიური სიმპოზიუმის ფარგლებში წარმოჩენილი იქნება ნათლისღების საიდუმლოს როლი მართლმადიდებელთა ყოველდღიურ ცხოვრებასა და ქრისტიანული კულტურის ფორმირებაში, მისი სახისმეტყველება და ძველი აღთქმისეული წინასახეები, წმინდა პავლე მოციქულის ეპისტოლეთა თეოლოგიური და საეკლესიო ტერმინოლოგია, ასევე, ნათლისღების თემატიკის ასახვა საეკლესიო ხელოვნებასა და ხალხურ ტრადიციებში.

სწორედ ნათლისღების წმინდა საიდუმლოა ის ურყევი საძირკველი, საიდანაც იწყება ქრისტიანთა მისტიკური ერთობა ქრისტეში. თავისი საღვთო ბუნებით ნათლისღება ყოველგვარ მიწიერ საზღვრებზე მაღლა დგას; ის თვისებრივად აერთიანებს მართლმადიდებელ ერებს და მათ უნიკალურ, ტრადიციულ მრავალფეროვნებას ქრისტეს ერთიან სხეულში აგვირგვინებს.

მადლიერებას გამოვხატავ კონფერენციის თითოეული მონაწილის მიმართ, რომელთაც თავიანთი მრავალწლიანი შრომა, აკადემიური ცოდნა და სულიერი გამოცდილება წარმოაჩინეს და გააერთიანეს ამ სამეცნიერო ფორუმზე. დარწმუნებული ვარ, რომ თქვენი მოხსენებები მნიშვნელოვან წვლილს შეიტანს საღვთისმეტყველო მეცნიერების განვითარებაში.

ქრისტესმიერი სიყვარულით ვლოცავ და ვუსურვებ 32-ე საერთაშორისო სამეცნიერო კონფერენციას ნაყოფიერ და წარმატებულ საქმიანობას.

შემოქმედმა ღმერთმა, ნეტარი პავლე მოციქულის მეოხებით, დალოცოს თქვენი შრომა, მშვიდობა და სულიერი სიხარული მოჰფინოს ვერიის ღვთივდაცულ ეპარქიასა და ყოველ თქვენგანს.

ქრისტესმიერი ძმური სიყვარულითა და ლოცვით,

✠ შიო III,

⛪️ სრულიად საქართველოს კათოლიკოს-პატრიარქი,
მთავარეპისკოპოსი მცხეთა-თბილისისა და
მიტროპოლიტი ბიჭვინთისა და ცხუმ-აფხაზეთისა

➡️ 26.06.2026

თეგები: საპატრიარქო

კომენტარები

რედაქტორის რჩევით

“ალოო, კალაძე, იძირება თბილისი” – დატბორილი.ქუჩები და ხალხი მერს
ახალი ამბები

“ალოო, კალაძე, იძირება თბილისი” – დატბორილი.ქუჩები და ხალხი მერს

23:24 08-14-2026
“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან
ახალი ამბები

“გაირკვა სიმართლე!” – ვინ გაყიდა საწვავი? – მილიონერი ბიზნესმენი და კავშირი ოცნების დეპუტატთან

15:55 08-14-2026
“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი
ახალი ამბები

“ფაქტები, თუ როგორ გვატყუებს გეორგევსკის ტრაქტატის თაობაზე ხელისუფლება” – ირაკლი მელაშვილი

23:28 08-13-2026
„ივანიშვილს მოსკოვიდან გამოატანეს 2 მილიარდი დოლარი საქართველოში რუსული საქმეების გასაკეთებლად“ – გიორგი გუგავა
ახალი ამბები

„ივანიშვილი პირდაპირ ეუბნება ამერიკელებს, რომ სახელმწიფო მე ვარ და მე უნდა დამელაპარაკოთო…“ – კოტე კემულარია

17:04 07-18-2026

ბიზნესი

თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის
ახალი ამბები

თიბისი კონცეპტის, Visa-ს და M.T.A.-ს განსაკუთრებული შეთავაზება სათხილამურო სპორტის მოყვარულთათვის

14:25 11-18-2026
თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა
ახალი ამბები

თიბისიმ ADB-სა და IFC-ს მხარდაჭერით ვაჭრობის დაფინანსებისთვის $51 მილიონი მოიზიდა

13:55 11-18-2026
„ტვინი: უცნობი სამყარო ჩვენს თავში“ – შეხვედრა ზაალ კოკაიასთან და ალექსანდრე ცისკარიძესთან
ახალი ამბები

„ტვინი: უცნობი სამყარო ჩვენს თავში“ – შეხვედრა ზაალ კოკაიასთან და ალექსანდრე ცისკარიძესთან

12:37 11-18-2026
თიბისის მობაილბანკში ელექტრონული სატენდერო გარანტიის მიღება უკვე ონლაინაა შესაძლებელი
ახალი ამბები

თიბისის მობაილბანკში ელექტრონული სატენდერო გარანტიის მიღება უკვე ონლაინაა შესაძლებელი

12:27 11-18-2026
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2026 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2026 Alia.ge - All rights reserved