გამომცემლობა კალმოსანის დამფუძნებელი, ხვიჩა ყალაბეგაშვილი:
“არის ასეთი, ორი ისტორიული ფაქტი (ბევრი მაგრამ ორს გავიხსენებ)… ადრეულ ეგვიპტეს, ძველი სპარსები მიადგნენ დასაპყრობად, სამხედრო თვალსაზრისით ეგვიპტე დაანგრევდა სპარსებს, მაგრამ სპარსეთმა მოუგო უომრად, როგორ? სპარსელებმა ფარებზე აიფარეს კატები და დაიწყეს კატების სროლა ეგვიპტელების მისამართით, ეგვიპტელებისთვის კატა წმიდა არსება იყო (ბუბასტიდა და ამბები), ამიტომ იძულებულნი გახდნენ იარაღი დაეყარათ და კაი ხანს ექვემდებარებოდა ეგვიპტე სპარსეთს…
კახეთში, ნეკრესი არის ერთადერთი ტაძარი, სადაც ღორს სწირავენ (ასეთი ანალოგი არ არსებობს), მიზეზი ის არის, საუკუნეების წინ ამ ტაძარში/ციხე სიმაგრეში თავს აფარებდნენ ქართველები, დამპყრობლები მუსლიმები იყვნენ, მათთვის ღორი იმდენად უწმინდურ ცხოველად ითვლებოდა, რომ წყევლად აღიქვამდნენ… ქართველებმა ფოსფორის მსგავი რაღაც წაუსვეს ციხესიმაგრეში მყოფ ათობით ღორს, რომელიც საკვებად ჰყავდათ და გაუშვეს ეს დამშეული ცხოველები, დამპყრობლებმა ეს ფაქტი წყევლად მიიღეს და გაიქცნენ, ალყა მოხსნეს ციხეს… ასე წყვეტდა ცრურწმენები ომის ბედს და ასეა დღემდე…
რატომ მოვყევი?
უკრაინამ დაძლია ცრურწმენები: საბჭოთა კავშირი კარგი იყო, რუსეთი ერთმორწმუნეა, რუსეთის ჯარი უძლეველია…
უკრაინა არის კარგი მაგალითი იმის, თუ რამხელა ძალა აქვს ცრურწმენებისგან განთავისუფლებულ ქვეყანას, თუ ადამიანებს…
მემგონი დროა, განვთავისუფლდეთ: ცრურელიგიურობისგან, ცრუპატრიოტიზმისგან, ცრუპოლიტიკოსებისგან, რადგან ბრძოლამ თუ მოგვიწია, ცრურწმენების მონები არ ვიყოთ, რადგან მონას ძალიან გაუჭირდება თავისუფლებისთვის ბრძოლა…”
კომენტარები