“კარგად მახსოვს, კახი კალაძე ჩემს კაბინეტთან ატუზული და სააკაშვილის კამპანიაში თავით ფეხებამდე ჩართული” – გიგი უგულავა (ვიდეო)

“კარგად მახსოვს, კახი კალაძე ჩემს კაბინეტთან ატუზული და სააკაშვილის კამპანიაში თავით ფეხებამდე ჩართული,” – ამის შესახებ ფოთის მერობის კანდიდატმა, გიგი უგულავამ “ჯორჯიან თაიმსის” გადაცემაში “დროული კითხვა” განაცხადა.

“მოდი ასე ვთქვათ, ჩემდა სამწახუროდ, უნდა ვაღიარო, რომ თუ “ნაციონალური მოძრაობა” დაშლილ-მიშლიალია, მაშინ კახი კალაძეც შიგნით, აქვე არის. კახი კალაძე მე ძალიან კარგად მახსოვს, ჩემს კაბინეტთან ატუზული და სააკაშვილის კამპანიაში თავით ფეხებამდე ჩართული და ამიტომ ამ ფარისეველ ადამიანს სჯობია, გრადუსი დაწიოს და მოვლენებს ცოტა ფართოდ შეხედოს. ამნეზირებული ამ საზოგადოებაში არავინ არის. კახი კალაძე, რომ მიშისტი იყო ეგეთი მიშისტი ისინი არ არაინ, ვინც დღეს მიშას გვერდზე დგანან,” – განაცხადა გიგი უგულავამ.

გადაცემის წამყვანის რეპლიკაზე, კალაძემ თქვა, რომ როცა დავინახე “ნაციონალური მოძრაობის” შეცდომები შემდეგ გავემიჯნეო, უგულავა ამბობს, რომ დედაქალაქის მოქმედი მერი მატყუარაა.

“არსენალის მთის გამო, უფასოდ, რომ უნდოდა ხელში ჩაგდება მაგიტომ გაემიჯნა, თორემ სამწუხარო ამბები, როგორიც იყო გვრიგვლიანის ამბავი, თუნდაც 7 ნოემბრის ამბავი უკვე მომხდარი იყო. ვის ატყუებს, რას იტყუება?! – ეს არის ჩვეულებრივი ორ გროშა მატყუარა ადამიანი,” – განაცხადა უგულავამ.