ჟურნალისტი ვახო სანაია:
“ვისაც მთავარი საკითხიდან – კალაძის გადადგომიდან – დღეს ისარი ხან მარჯვნივ, ხან მარცხნივ გადააქვს, ყველა არის რეჟიმის მთავარი საყრდენი.
ყველაზე საშინელი აქტორები ნინო ჯღარკავები და სხვა მათნაირი კი არ არიან, არამედ სწორედ ისინი – ვითომ პროდასავლურები, ვითომ ზრდილობიანები, ვითომ კულტურულები, რომლებიც აქ, ფეისბუქში, ბუდობენ, თავს იკატუნებენ, რომ ქოცობა უტყდებათ, სინამდვილეში კი მათი ქცევის ზედაპირული შესწავლაც კი ნათელს ხდის, რომ ძაფები სწორედ რეჟიმთან აკავშირებს.
ეს კატეგორიაა ივანიშვილის ძირითადი საყრდენი, რომელიც ყველაფერს უტარებს, ყველაფერს ,,უპრავებს” და თან საზოგადოებაში კაი ტიპებად სურთ დარჩენა. ყველა საკითხის გადღაბნას ცდილობენ.
ზუსტად ეს ამბავი ხდება ახლა ფეისბუქში :
,,ფოტოს ნუ აფრიალებთ” – თითქოს არ იციან, რომ ფოტო იფრიალებს, რადგან ის უკვე გავრცელდა და სოციალური ქსელების ბუნებიდან გამომდინარე, ამას ვერავინ შეაჩერებს. თითქოს არ იციან, როგორ აღმოჩნდა ეს ფოტო საჯარო სივრცეში.
აწესებენ მორალურ სტანდარტს, რომელიც უფრო მაღლა არ მიდის. მათი მორალური სტანდარტი კალაძის პასუხისმგებლობას ვერ წვდება.
მოდი ჯერ პოზიცია მითხარი, უნდა წავიდეს თუ არა კალაძე თანამდებობიდან; იქცევა თუ არა ამაზრზენად ამ ფოტოების გადაღებით და მერე შევეხოთ ყველა სხვა სტანდარტს. სხვაგვარად უბრალოდ ვირეშმაკობ და ერთ დეტალზე ჩაბღაუჭებით, ძირითად საკითხს გაურბიხარ. ფოტოებზე წერას შენგან მაშინა აქვს ფასი, თუ უკვე გამოხატე პოზიცია მთავარ თემაზე.
ესაა ზუსტად ის კატეგორია, რომელიც ბიძინას ტოვებს ხელისუფლებაში და თან ვითომ ევროკავშირი უნდა. სინამდვილეში ჩვეულებრივი კოკა მორგოშიები ხართ.
ამჯერად საჯარო სექტორში დასაქმებულებზე არ ვწერ. იქ ძირითადად ყველაფერი ნათელია.
ამ სტატუსში ვგულისხმობ გამოგონილ, ვითომ საშუალო ფენის წარმომადგენლებს, რომელთა საქმიანობა სწორედ ბიძინასა და კალაძის ძალაუფლებაზეა გამობმული. ხელისუფლებასთან დაახლოებულ სადღაც დიდ კომპანიებში ნორმალურ პოზიციებზე დასაქმებული კატეგორია; ასევე რაღაც საკუთარი პატარა კომპანიების მეპატრონეები, რომელთა შემოსავალი სახელმწიფო პროგრამებსა და თანამდებობის პირთა მოწყალებაზეა დამოკიდებული, სადღაც რომ გაჭრილი აქვთ ,,კანალები” ნაცნობობით და რაღაც თანხებს იგებენ ასე ,,ბლატებით” ან ახლობლობენ ხელისუფლებასთან. მართლაც გამოგონილი კატეგორია, რომელიც ყველა დანაშაულსა და უბედურებას ,,აპრავებს.
მათ ფეიბუქზე ნახავთ ამ კაი კაცის – დევი მეზურნიშვილის შესახებ სტატუსებს; ანგელოზ მარიტას ფოტოებს; უკრაინის დროშასაც, მაგრამ არაფერს ამბობენ კალაძის პასუხისმგებლობაზე, სიტყვას ვერ დააცდენინებ ბიძინაზე, რომელმაც რუსეთად აქცია აქაურობა.
მარაზმია, როგორც იქცევით. კარგად დაიმახსოვრეთ, თქვენით უდგას სული ივანიშვილის რეჟიმს. სოციალური ქსელის მიღმაც, რამდენჯერ შემხვედრია ასეთი ხალხი ცხოვრებაში – სუფრებსა თუ სხვა სივრცეებში.”
კომენტარები