“კამერებში ბაღლინჯოებია”; “თუ მიზანმიმართულად არ გაწამებს…’ – რას პასუხობს მოსამართლე დავით ღურწკაიას

ფოტოკოლაჟი.- ტვ პირველი

4 ოქტომბრის საქმეზე ერთ-ერთმა ბრალდებულმა დავით ღურწკაიამ სასამართლო სხდომაზე საკანში არსებულ სანიტარულ-ჰიგიენურ მდგომარეობაზე ისაუბრა. მოსამართლე გიორგი გელაშვილმა თქვა, რომ ამ განცხადების ადრესატი პენიტენციური სამსახურია და არა – სასამართლო და სასამართლოს მხოლოდ მაშინ შეგიძლია მიმართო, როცა მიზანმიმართილი წამება და დამცირებაა. როგორც ჩანს, მოსამართლე თვლის  რომ თუ ნართლაც ბაღლინჯოებია საკნებში, ჰიგიენური ნორმების არდაცვა ციხის ადმინისტრაციის მიერ  მიზანმიმართული არაა.

ღურწკაია: 

ჩვენს კამერებში არის ძალიან ბევრი ბაღლინჯო, სისხლის მწოველი და კაციშვილი არ არის, დახმარება რომ ვთხოვოთ და ყურადღება მოგვაქციოს

მოსამართლე: 

სასამართლო ამ შემთხვევაში არ არის ადრესატი, ადრესატი არის პენიტენციური დაწესებულება. თუ რამე კანონშეუსაბამოა, პენიტენციურ დაწესებულებას მიმართეთ განცხადებით… დროის კარგვაა და მეტი არაფერი

ადვოკატი: 

არაადამიანური მოპყრობის მსხვერპლი რომ გახდეს და შესაძლებელია, ეს გარემოება გახდეს… არ აქვს დაფიქსირების უფლება სხდომაზე?

მოსამართლე: 

დაფიქსირების უფლება არის იმ ნაწილში, თუ ვინმე მიზანმიმართულად დანაშაულს ჩადის პირის მიმართ, ეს ექვემდებარება წამებას, დამცირებას, არაადამიანურ მოპყრობას. მივიღე ინფორმაცია, რომ გარკვეული შეუსაბამო პირობებია. ძალიან კარგი და კვალიფიციური ადვოკატები გყავთ. მათ შეუძლიათ, ნებისმიერი ფორმით აწარმოონ იმ დაწესებულებასთან კომუნიკაცია, სადაც იმყოფებით. თუ რამე ჰიგიენური საშუალება არაა, თუ რამე პირობები არაა, ამ საკითხთან უშუალო კომუნიკაცია ჰქონდეს პატიმარს, ადვოკატს და დაწესებულების ხელმძღვანელს, ეს ხარვეზები აღმოიფხვრება.

სასამართლო დარბაზში ეს საკითხები რომ ვარჩიოთ, მე ისიც არ ვიცი პირობითად, ეს სიმართლეა თუ ტყუილი.