ვლადიმირ პუტინმა ფედერაციაში ტურიზმის განვითარებაზე საუბრისას გაიხსენა, რომ კამჩატკაზე ვეშაპების შესწავლის ექსპედიციაში მონაწილეობა მიიღო.
“მე კამჩატკაზე მონაწილეობას ვიღებდი ვეშაპების შესწავლის ერთ ექსპედიციაში. ძალიან საინტერესო იყო. იქ ოკეანე, წყალქვეშა სამყარო ძალიან ლამაზია. ხმელეთზეც ვერ მოიწყენ. თუმცა, ეს ამ რეგიონში ცალკე მიმართულებაა, წყალქვეშა ტურიზმი”. – თქვა პუტინმა.
შეგახსენებთ, 2010 წელს გავრცელდა კადრები რომელშიც პუტინი რუხი ვეშაპების შემსწავლელ მეცნიერებთან ერთად იყო.
პუტინმა ისაუბრა იაპონიასთან სადავო კურილის კუნძულებზეც.
“კურილებზე ბუნება სულ სხვაა, იქ, კურილის კუნძულების რაიონში წყალქვეშა სამყარო ძალიან ლამაზია”. – თქვა პუტინმა და დაამატა, რომ ტურიზმის განვითარებისთვის ფოტო-ვიდეო მასალა მნიშვნელოვანია.
უკრაინაში ომის დაწყების შემდეგ, იაპონიამ კურილის სადავო კუნძულებზე რიტორიკა შეცვალა, იაპონიის პრემიერმინისტრმა, ფუმიო კიშიდამ კუნძულებს იაპონიის “განუყოფელი ტერიტორია უწოდა”.
კომენტარები