კახეთში, კორონავირუსის ომიკრონ შტამით, სამი არასრულწლოვანი დაინფიცირდა, ისინი ერთი ოჯახის წევრები არიან.
ომიკრონის შტამით დაინფიცირდა ოჯახის ორი ზრდასრული წევრიც. ახალი შტამი, მათ, თბილისიდან თელავში ჩასული ომიკრონით ინფიცირებული ნათესავისგან გადაედოთ.
დაავადებათა კონტროლის ცენტრის კახეთის განყოფილების ხელმძღვანელი, ნელი ხიზანიშვილი რეგიონში ომიკრონის გავრცელებას ადასტურებს და განმარტავს, რომ ახალი შტამით ინფიცირების შემთხვევები ბევრად მეტია, ვიდრე ოფიციალურად ლუგარის ლაბორატორიაში გამოკვლეული.
ნელი ხიზანიშვილი:
„კვლევას ვატარებთ იმისათვის, რომ ეპიდემიოლოგიურად დავადგინოთ, შტამი შემოსულია, თუ, არა. ჩვენ გამოვიკვლიეთ ორი ადამიანი, თუმცა დარწმუნებული ვართ, რომ შემთხვევები ბევრად მეტია. ორივე პაციენტი ვაქცინირებულია. ერთი გახლავთ სრულიად უსიმპტომო, მეორესთან მსუბუქი მიმდინარეობა გვაქვს. თბილისიდან ჩამოტანილი შემთხვევებია და ერთი ოჯახის წევრები არიან. ამ ოჯახს, სადაც არასრულწლოვნებიც დაავადდნენ, ომიკრონის შტამით ინფიცირებულთან ჰქონდა კონტაქტი, ცხადია, ეს შტამი გადაედო. ფაქტია, რეგიონში ომიკრონმა უკვე გავრცელება დაიწყო”.
დღეს საქართველოში კორონავირუსის ნახტომისებური ზრდა, 5486 ახალი შემთხვევა დაფიქსირდა.
კომენტარები