კახეთში, ძებნილი კაცი, რომელსაც უწყება მოქალაქის მიმართ ჯანმრთელობის განზრახ მძიმე დაზიანებას ედავებოდა დააკავეს. ინფორმაციას შინაგან საქმეთა სამინისტროში ადასტურებენ.
სავარაუდო ბრალდებული ერთ-ერთ მუნიციპალიტეტში 18 მარტს დააკავეს, რომელიც რამდენიმე კვირის განმავლობაში იძებნებოდა.
„ჩემი ნათესავები არიან, მას დაპირისპირება მოუვიდა თანასოფლელთან, ეს რომ მოხდა, წავიდა სოფლიდან და სად იყო არავინ იცოდა. ყველამ იცის რომ პოლიცია ეძებდა. ახლა დაგვირეკეს და გვითხრეს, რომ დაკავებულია. სხვა არაფერი არ ვიცით“, – ამბობს დაკავებულის ნათესავი.
თავდაპირველად, თებერვალში ზოგიერთმა მედია საშუალებმა გაავრცელა ინფორმაცია, რომ მომხდარი ქუჩურ გარჩევასა და ნარკოტიკებს უკავშირდება, თუმცა მხარეების გამოკითხვისა და საგამოძიებო პროცესის დროს დადგინდა, რომ მიმდინარე წლის 4 თებერვალს ფიზიკური დაპირისპირება თანასოფლელებს შორის წარსულში მომხდარ ფაქტს უკავშირდებოდა, რა დროსაც ერთ-ერთმა ახალგაზრდამ მეორეს ავტომობილი შემთხვევით დაუზიანა.
კომენტარები