აშშ-ის პრეზიდენტი ჯო ბაიდენი ჩინელ და რუს კოლეგებს აკრიტიკებს, რომლებიც გლაზგოში კლიმატის ცვლილების სამიტზე დასასწრებლად არ ჩავიდნენ. აღნიშნულის შესახებ დასავლური მედია წერს.
ჯო ბაიდენის განცხადებით, სი ძინპინის გლაზგოში არ ყოფნა „დიდი შეცდომა“ იყო.
„ყველაზე მნიშვნელოვანი რამ, რამაც მსოფლიო ყურადღება მიიპყრო, არის კლიმატი. ყველგან – ისლანდიიდან ავსტრალიამდე – ეს გიგანტური საკითხია და ისინი გვერდზე გადგნენ.
როგორ აკეთებთ ამას და თან ამტკიცებთ, რომ შეგიძლიათ ლიდერობის მანტია გქონდეთ?“- განაცხადა შტატების პრეზიდენტმა, ჯო ბაიდენმა.
მისი თქმით, იგივე ითქმის რუსეთზე და მის პრეზიდენტ ვლადიმერ პუტინზე.
„იგივე ითქმის პუტინსა და რუსეთზე. მისი ტუნდრა იწვის. მას კლიმატთან დაკავშირებული სერიოზული პრობლემები აქვს,“- აღნიშნა ბაიდენმა.
ცნობისთვის, კლიმატური ცვლილებებისადმი მიძღვნილ სამიტზე დასასწრებლად გლაზგოში 100-ზე მეტი ქვეყნის ლიდერები ჩავიდნენ.
ჩინეთის და რუსეთის პრეზიდენტებმა კი მონაწილეობა ვიდეოკონფერენციის ფორმატით მიიღეს.
კომენტარები