რუსეთის თავდაცვის სამინისტროს ცნობით, მოსკოვს უკრაინის საზღვრებიდან გაჰყავს არმია, რადგან მათივე ინფორმაციით, იქ წვრთნა დასრულებულია. დასავლეთში მოსკოვის ჯერ არ სჯერათ, თუმცა როგორც ამბობენ, ფრთხილი ოპტიმიზმის საფუძველი ნამდვილად აქვთ.
უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინის საზღვრებიდან რუსეთის ჯარის გაყვანა ჯერჯერობით არ შეინიშნება.
„სიმართლე გითხრათ, ჩვენ ვრეაგირებთ იმ რეალობაზე, რაც გვაქვს და ჯერჯერობით ვერ ვხედავთ ჯარების გაყვანას. ყველა ნორმალური ადამიანი დეესკალაციას ელოდება. რაც შეეხება საფრთხეებს, მე არაერთხელ მითქვამს, რომ ნებისმიერ საფრთხეზე მშვიდად ვრეაგირებთ, რადგან გვახსოვს, რომ ეს ყველაფერი გუშინ არ დაწყებულა. ეს უკვე წლებია ხდება“, – აღნიშნა უკრაინის პრეზიდენტმა.
ვოლოდიმირ ზელენსკის თქმით, ჯარების გაყვანას ყველა დაინახავს, თუმცა ახლა ეს მხოლოდ განცხადებებია.
რუსეთის თავდაცვის სამინისტრო ამტკიცებს, რომ ჯავშანტექნიკა, კერძოდ: ტანკები, ქვეითი საბრძოლო მანქანები და თვითმავალი საარტილერიო სამაგრები, დატვირთულია სპეციალურ სარკინიგზო პლატფორმებზე.
კომენტარები