პოლიტოლოგი ლევან ლორთქიფანიძე, სოციალურ ქსელში, წერს:
“მომავალი კვირა ნიკა მელიას კვირა იქნება, ის აღმოჩნდება საზოგადოების ყურადღების ცენტრში.
ბ-ნი ნიკას სამართლებრივი დევნა 2019 წლის 19-20 ივნისის მოვლენების შემდეგ დაიწყო. მაშინ საქართველოს სახელმწიფო სტრუქტურებმა ვერ იმუშავეს, ჩაფლავდნენ, შერცხვნენ…
საქართველოს პარლამენტშიც, უსაფრთხოების სამსახურშიც, საგარეო საქმეთა სამინისტროშიც, სხვა უწყებებშიც კარგად იცოდნენ, რომ თბილისში იმპერიალისტური განწყობების მქონე, საქართველოს ტერიტორიული მთლიანობის წინააღმდეგ მომართული დეპუტატი გავრილოვი ჩამოდიოდა. ყველამ კარგად იცოდა, რომ მოუწევდა მართლმადიდებელი ქვეყნების ასამბლეის სხდომის წაყვანა. პარლამენტის თავმჯდომარეს, სუს-ის უფროსს, საგარეო საქმეთა მინისტრს, მათ დაქვემდებარებულ პირთა ჯგუფს, ასობით ადამიანიდან ვინმეს უნდა ეზრუნა იმისთვის, რომ ასამბლეა სახელმწიფო შენობების მიღმა, რომელიმე სასტუმროში ჩატარებულიყო. მაგრამ არავის ჭკუა და ღირსება არ აღმოაჩნდა და გავრილოვი პირდაპირ საქართველოს პარლამენტის სხდომათა დარბაზის პრეზიდიუმიში აღმოჩნდა, რაც უდიდესი სირცხვილი და უმძიმესი შეცდომა გახლდათ.
გვაძლევს თუ არა ხელისუფლების სამარცხვინო საქციელი, უმძიმესი შეცდომა პარლამენტში შეჭრის, მისი შტურმით აღების, არეულობებისა და შეტაკებების ხელშეწყობის უფლებას ??? რა უნდა ქნას პოლიტიკოსმა, რომელმაც იცის, რომ მისი გადაწყვეტილების გამო ხალხს შეიძლება სპეცრაზმი დაერიოს, რაზმმა არაპროპორციული და სასტიკი ძალა გამოიყენოს ???
ნებისმიერი პატიოსანი პოლიტიკოსი პარლამენტში შეჭრის მოწოდებების გავრცელებას მოერიდებოდა, არეულობებისა და შეტაკებების თავიდან აცილებას შეეცდებოდა, შეიარაღებულ სპეცრაზმს ხელში არ ჩაუგდებდა რიგით ადამიანებს …
ნიკა მელია საწინააღმდეგოდ მოიქცა, ხალხის გულწრფელი პროტესტი და ხელისუფლების აგრესიულობა შეტაკების დაწყებისთვის გამოიყენა, იცოდა, რომ ისროდნენ, არაპროპორციული ძალით დაარბევდნენ ადამიანებს და მაინც მოუწოდა ხალხს პარლამენტში შესვლისკენ. ამას პროვოკაცია ჰქვია !!! ხელისუფლების უგუნურობასა და ოპოზიციის პროვოკაციას, რაც მოჰყვა კი იცით!
მისი პროვოკაციები გრძელდება! ჯერ გადაიხადა გირაო, სამაჯურიც გაიკეთა… მერე გადააგდო სამაჯური და უარს ამბობს ახალი საურავის გადახდაზე. ხან ისე აკეთებს, ხან ასე… მოქმედებს იმის მიხედვით, თუ რამხელა რეზონანსი შეიძლება მოჰყვეს მის პროვოკაციებს, როცა აწყობს მაშინ იცავს კანონს, როცა არ აწყობს მაშინ არღვევს… პარტიის თავმჯდომარეობის გამო თავს უფლებას აძლევს დადგეს რიგით მოქალაქეებზე მაღლა!
მთავრობას კიდევ ჩვენნაირების დასჯა შეუძლია, თორემ მელიას მსგავს პროვოკატორებთან არის უმწეო ლეკვივით ( “ცუციკი” ლეკვს არ ნიშნავს?)”
კომენტარები