ჯარში საგაზაფხულო გაწვევა ისევ გადავადდა

საგაზაფხულო გაწვევა ისევ გადაიდო. პირველად გაწვევა 16 მარტს, კორონავირუსის პანდემიის გამო შეწყდა. გაწვევის თარიღი ორჯერ შეიცვალა. პირველად გაწვევის პროცესი 13 აპრილამდე გახანგრძლივდა, შემდეგ 23 აპრილამდე, მთავრობის 23 აპრილის დადგენილებით, კი თარიღმა ისევ გადაიწია, ამჯერად 23 მაისამდე. 

დადგენილებით არ შეცვლილა ახალგაზრდების მაქსიმალური რაოდენობა, რომლებმაც ერთი წელი სხვადასხვა უწყებაში უნდა იმსახურონ. 4 189- ადამიანიდან ჯარს თავდაცვის ძალებში მხოლოდ 1 400 მოიხდის. დანარჩენი კი სხვადასხვა უწყებაში გადანაწილდება.

• საქართველოს თავდაცვის ძალებში – 1400,
• სპეციალურ პენიტენციურ სამსახურში – 1328,
• საქართველოს შინაგან საქმეთა სამინისტროში – 950,
• საქართველოს სახელმწიფო უსაფრთხოების სამსახურში – 311,
• სახელმწიფო დაცვის სპეციალურ სამსახურში გასაწვევ მოქალაქეთა მაქსიმალური რაოდენობა – 200.