“ლელოს” ლიდერი, მამუკა ხაზარაძე, “ტვ პირველთან” ამბობს:
“მინდა ვუთხრა ივანიშვილს, მორალურად შენ წააგე ჩვენთან ბრძოლა. წაგებული გაქვს, ჩემთან კი არა, ქართველ ხალხთან. ასეთ სიღატაკეში ქართველი ხალხი არავის ჩაუგდია, სულ მეგონა, რომ არ იცის, როგორ გაეკეთებია, მაგრამ, მიზანმიმართულად აკეთებ, გაყარე ხალხი აქედან, წარმატება დაავიწყე ხალხს. ქართული ოცნებაა რა მდგომარეობაშიც ვართ? ერთი ქართველი მაჩვენე, ვინც იტყვის, რომ ამაზე ოცნებობდა, ან მისი შვილი უნდა ოცნებობდეს იმაზე, რა დღეშიც ჩაგვაგდო. როგორ გგონიათ, მეც ვერ ავიღებ ბრიტანეთის, საფრანგეთის პასპორტს? როგორც მას აქვს გამზადებული? არ ავიღებ-თქო. გინდა ქონება დაგვიყადაღე, გინდა ციხეში ჩაგვსვი. ეს მონები… იმ ხალხს ვეუბნები, ვინც კარგად მიცნობს, თვალებს რომ აჟუჟუნებდით სხვადასხვა დროს, სარკეში ჩაიხედეთ და შეგრცხვეთ, ერთი კითხვა რომ არ დაგისვამთ. გული მატკინა ამ ცხვრის ფარამ, 77 კაცში რომ არ აღმოჩნდება 2 ადამიანი მაინც, რომელიც წინააღმდეგი წავა კი არა, თავს არ შეიკავებს, რა უნდა გელაპარაკოთ? ხვალ რომ ომი დაიწყოს, ომში წამსვლელები ხართ? მე ის მანდატი თავად დავტოვე, იმიტომ რომ არ მინდა ამ ხალხთან ერთად ერთ დარბაზში ვიყო, უნდა მოვიყვანოთ ახალი სახეები, სუფთა ადამიანები.”
კომენტარები