“იუსტიციის გენ. ინსპექციის საგამოძიებო დეპარტამენტი იპარავდა ციხეში მტკიცებულებას” – რას ჰყვება გლდანის ციხიდან გამოსული გვარამია

ნიკა გვარამია, რომელიც სპეციალური ეპიკირებით იყო ციხეში, მიხეილ სააკაშვილთან, ამბობს, რომ ციხეშის შესვლისთანავე აგინეს და ამბობს:

პირობას ვდებ, ჩემი ცოლი ვერ მიცნობდა გინება რომელიც მოწყობილია ციხის ადმინისტრაციის მიერ, ასე მარტივად იშიფრება. გინება გრძელდება მუდმივად, ამას შეესწრო, ინსპექტორის ოფისის წარმომადგენლები, იმედია ასახავენ ანგარიშებში. გინება ისმის იმ ოთახში, სადაც შეგვიყვანეს. სააკაშვილს, პირდაპირ ვამბობ, წართმეული აქვს დაცვის განხორციელების უფლება, სააკაშვილი შიმშილობს, ის ვერ გადაადგილდება მარტივად, ჩვენ არ გვიშვებენ მასთან პალატაში. უნდა ჩამოვიდეს 5 სართულს სააკაშვილი, შემოვიდეს ოთახში, სადაც არის მინა ასევე შუაში, ხმაგაუმტარი, ვიყავით მე, მეორე ადვოკატი და სახელმწიფო ინსექტორის წარმომადგენელი. მე მელაპარაკება ტელეფონით, მე ვეუბნები კითხვას, მპასუხობს, მერე ამ პასუხს მე ვეუბნები სახელმწიფო ინსპექტორის წარმომადგენელს და ა.შ. ასე ფაქტების დაგენა არის შეუძლებელი. სააკაშვილთან ადვოკატების კომუნიკაცია არის შეზღუდული; სრული პასუხსიმგებლობით ვაცხადებ.

აი, ამ გინების ფონზე, თქვენ წარმოიდგინეთ, გიული ალასანიამ ან სააკაშვილის შვილებმა ეს დედის გინებების გზა უნდა გაიარონ, არ არის მარტივი ადვოკატებისთვისაც ამ გზის გავლა. პალატაში ხომ სულ ისმის გინება და ქვემოთაც, დაკითხვების ოთახშიც ჩვეულებრივად. ეს არის უწყვეტი პროცესი. რეალურად, ეს არის პრაქტიკულად შეუძლებლობამდე მიყვანა მისი ოჯახის წვერების მისვლის მოსანახულებლად. ვინ აყვირებს ამ პატიმრებს, ჩვენთვის ესეც ცნობილია.

დაუძლურებულია სააკაშვილი და პროგნოზირებას ვეღარ გავაკეთებ, აღარ იღებს კალციუმს და ცილებს, იღებს მხოლოდ გლუკოზას, ამას ქვია დანის პირზე სიარული, ლატარეას თამაშობენ.

მიხეილ სააკაშვილი მოითხოვს ხვალინდელ სასამართლოზე დასწრებას და ძალიან მაინტერესებს როგორ იტყვის ციხის ადმინისტრაცია უარს, როცა დღეს 5 სართულით ქვემოთ ჩამოსვლა შეძლო.

დღეს იუსტიციის სამინისტროს გენ. ინსპექციის საგამოძიებო დეპარტამენტი იპარავდა მტკიცებულებას. მათ იცოდნენ, რომ სახელმწიფო ინსპექტორის სამსახური შემოდიოდა ტანსაცმლის ამოსაღებად – შევიდნენ, გააღვიძეს სააკაშვილი, ჩათვალა, რომ ეს სახელმწიფო ინსპექტორის ხალხია და მოუწერა ხელი, გადააბარა ეს ტანსაცმელი და როგორც კი ტელევიზორში ნახა, რომ გარეთ ვდგავართ ჩვენ და ინსპექტორი, აბა, თქვენ ვინ ხართო, არც აცია, არც აცხელა, ტანსაცმელი უკან გამოართვა და აღარ გაატანა. ტანსაცმელს ხვალ ამოიღებს ინსპექტორის სამსახური.

საინტერესო განმარტება მივიღეთ ძალადობასთან დაკავშირებით.

გუშინ, მანქანით მიიყვანეს, ბოლო 30 მეტრი მანქანით არ გაატარეს, გადმოიყვანეს სპეციალურად პატიმრების კორპუსთან. როგორც კი გაჩერდა მანქანა, უკვე დაიწყო გინება, გადმოათრიეს, პირდაპირი მნიშვნელობით და ათრიეს 30 მეტრის განმავლობაში საავადმყოფოს კორპუსამდე და ასმენინეს, რაც მოუწყვეს. პროკურორი ამბობს, ექსპერტიზა მოვუყვანე და უარი გვითხრაო. ვკითხეთ, რატომ არ ვიცოდით ადვოკატებმა, გვიანი იყოო, ვუთხარით, რომ მაგ დროს ციხესთან ვიდექი, არ ვიცოდითო, ნომერი ხომ იცოდით ჩვენიო, ვუთხარით, არ ჩავთვალეთ დარეკვა საჭიროდო… სააკაშვილი ექსპერტიზას გაივლის მხოლოდ მისი ექიმის თანამონაწილებით.

ვიდრე ექსპერიზას ჩაუტარებთ ვიდეოკადრები ნახეთ? რაზეც, ციხეების ზედამხედველი, გენ. ინსპექციის საგამოძიებოს უფროსი პასუხობს შემდეგს, წავალთ სასამართლოში და მოვითხოვთ ვიდეოს ამოღებასო. მტკიცებულებები ჯერ უნდა დათვალიერებს და ამის გაკეთება მარტივად შეეძლოთ. ფაფის ჭამის ვიდეოს გამოქვეყნება თუ შეიძლება, სააკაშვილმა თუ დაანგრია მთელი სავაადმყოფო, ვიდეო სად არის?”