“იტალიაში, როგორც იქნა, მიხვდნენ რა გვიშველის, ჩინელის ექიმების რჩევის შედეგად”

იტალიაში მცხოვრები ქართველი ჟურნალისტი, თამუნა თაბუკაშვილი, სოციალურ ქსელში, წერს:

” ნონსენსი, თუ …
შოკოლადი ვიყიდეეე…
დილიდან დაგეგმილი პროდუქტების ყიდვის აუცილებლობა, სისრულეში მოვიყვანეთ…
ქუჩაში გავედით – თავპირახვეულები და ხელთათმანებით შეიარაღებულები. ფეხით გავეშურეთ სუპერ-მარკეტისკენ…
– ეს ხალხი მგონი ვერ არის კარგად.
– მგონი, ჩვენსგარდა არავინ დადის, ჩვენსავით “შეიარაღებული”…
ადამიანების თვლა და დათვალიერება დავიწყე…
ველოსიპედით მოჰქრის ვიღაც, არცთუ ახალგაზრდა იტალიელი ქალი და სულ შიშველ კოჭებზე ჰკიდია – პანდემია. ვიღაც ავტობუსს ელოდება და რა უსაფრთხოება და პრევენცია?
იგივე, იგივე, იგივე…
ავტომანქანების დათვლას, აზრიც არ აქვს, იმდენია…
“ტოდიშთან” რიგი მეორე ქუჩის მოსახვევს სცდება, თუმცა, რიგი მალე გადის… მომლოდინეებიდან, ზოგი ჩვენსავით “აღჭურვილია”, ზოგიც არა…
მარკეტი სავსეა პროდუქტებით. ფასებიც იგივეა და ფასდაკლებებიც…
უკან გამობრუნებულები, აფთიაქში შესვლას ვაპირებდით – იქნებდა, პირბადეები შემოიტანეს?
კითხვას აზრი არ აქვს – წარწერა გამოაკრეს – არ გვაქვს!
სახლში დაბრუნებულები, ყველაფერს ვიხდით ტანზე და სარეცხ მანქანაში ვყრით…
ნუთუ, მხოლოდ ჩვენ შევიშალეთ?
არა, ჯერ სად ხარ?
რაც ვიყიდეთ, ყველაფერი დავსპირტ-დავძმარეთ… ხელები მერამდენედ დავიბანეთ და…
– ჭარხლის ფხალი გავაკეთოთ.
– კარგი…
მაგას, ან როდის არ ვრეცხავდით საგულდაგულოდ, მაგრამ…
გასატეხი კაკალი, სულ სათითაოდ დააღვრიჭინა ცხელ წყალში – მგონი შევიშალეთ, მსგავს მდგომარეობაში, მხოლოდ ერთხელ უნდა მოხვდეს ადამიანი, მეტს ვერ გაუძლებს…
პროდუქტის მოტანა მოვასწარით. იმდენი გვაქვს, თუ ყველაფერი გამოსწორებისკენ წავიდა, დასრულებამდე გვეყოფა. თუ არადა…
ხვალიდან, როგორცი ქნა მიღებული, მკაცრი გადაწყვეტილებით, რაც ჩინელი ექიმების პრესკონფერენციის შედეგი უფრო მგონია, ვიდრე იტალიის ხელისუფლების ნათიანობის, ყველა ქუჩაზე გამოეფინება პოლიცია და სამხედრო ნაწილის შენაერთები!
ხვალიდან, ყველასთვის სავალდებულო კარანტინი იწყება – სრულიად იტალიაში!
ვეღარც კოჭებშიშველი ქალი ისეირნებს ველოსიპედით და ვერც პირშიშველი და ხელშიშველი ადამიანები ივლიან, თავის უჭკუო ჭკუაზე!
როგორც იქნა მიხვდნენ, რა გვიშველის!
არ ვიცი, რა პრევენციულ ზომებს გაატარებს, იტალიის მთავრობა, როგორ აპირებს სახლში გამოკეტილი ხალხის მიხედვას და მომსახურეობას. გაითვალისწინებს თუ არა, უჰანის პრევენციის ზომებს, მაგრამ უსაშველობის, საშველი რომ უნდა დაიწყოს, ერთადერთი და აუცილებელი პირობაა!”