იტალიაში კორონავირუსით ინფიცირების საერთო რაოდენობის ზრდასთან ერთად, ასევე გაზრდილია სამედიცინო პერსონალის დაინფიცირების რიცხვიც.
Aljazeera-ს ცნობით, თებერვალში, სულ მცირე 2,629 სამედიცინო მუშაკს გადაედო კორონავირუსი, რაც საერთო რაოდენობის 8,3%-ს წარმოადგენს. ამ მონაცემებმა ქვეყნის ჯანდაცვის სისტემაში ნამდვილი შოკი გამოიწვია.
„ჩვენ ეს ციფრი ჯანდაცვის ნაციონალური ინსტიტუტის მიერ მოწოდებული ინფორმაციით გამოვთვალეთ“, – განაცხადა ჯანდაცვის სფეროს ექსპერტმა იტალიაში ნინო კარტაბელოტამ.
კარტაბელოტას თქმით, ამჟამად ეს რიცხვი უფრო მაღალი იქნება, რადგან ექიმები ყოველთვის არ არიან დაცულები და მისი თქმით, ზოგიერთი ჰოსპიტალის ქმედებები სიტუაციიდან გამომდინარე არაადეკვატური იყო.
ბოლო მონაცემებით, იტალიაში კორონავირუსით დაინფიცირებულთა რაოდენობა 41,035-მდე გაიზარდა. გარდაცვლილთა რაოდენობამ 3,405 მიაღწია, რითაც მან ჩინეთს გაუსწრო.
კომენტარები