სერგეი პუგაჩოვი, რომელიც ადრე ვლადიმერ პუტინის უახლოეს მეგობრად მოიაზრებოდა, აცხადებს, რომ ვლადიმერ პუტინის მემკვიდრედ თავის დროზე უკრაინული წარმოშობის ქალ პოლიტიკოსს, ვალენტინა მატვიენკოს ამზადებდნენ.
სერგეი პუგაჩოვის თქმით, მატვიენკოს საკმაოდ კარგად იცნობდა და ის ადრე სანკტ-პეტერბურგის გუბერნატორის თანამდებობას იკავებდა.
“ვალიას საკმაოდ კარგად ვიცნობ. თავის დროზე პუტინის მემკვიდრედ ითვლებოდა. ის ყველაზე მეტად სავარაუდო მემკვიდრე იყო, ჯერ კიდევ მედვედევამდე და სერგეი ივანოვამდეც. მაშინ ის იყო სანქტ-პეტერბურგის გუბერნატორი. პუტინმა ნამდვილად მიიწვია, ისაუბრეს და შესთავაზა გამხდარიყო მისი მემკვიდრე. შემდეგ უთხრა, რომ 4 თვეში, 4 წელში და მას უკვე წასვლა მოუწია”, – აცხადებს პუგაჩოვი.
მან ასევე აღნიშნა, რომ თავის დროზე მატვიენკო კორუფციაში ჩაფლული არ იყო.
“ვალენტინა საკუთარი მოღალატეობრივი ხასიათით პუტინის გუნდში გამორჩეული იყო. ის საკმაოდ მტკიცე ადამიანია. მე პირადად მისი კორუფციასთან კავშირის შესახებ არ მსმენია. დარწმუნებული ვარ, რომ პუტინის გარემოცვამ ის მემკვიდრედ არ ისურვა”, – აცხადებს პუგაჩოვი.
მისი თქმით, მატვიენკო ერთ-ერთია, ვინც უკრაინული ფესვების მიუხედავად, უკრაინის წინააღმდეგ ომს და პუტინის აგრესიულ პოლიტიკას უჭერს მხარს.
კომენტარები