“ის, რაც ვერ გამოიყენა საქართველომ, გამოიყენა ყაზახეთმა“, – წერს TCRC
სატრანსპორტო დერეფნის კვლევის ცენტრის” ინფორმაციით, ყაზახეთი ცენტრალურ აზიაში ევროპული ბიზნესისთვის ერთ-ერთ ყველაზე მიმზიდველ მიმართულებას – სატრანსპორტო მანქანათმშენებლობის ინდუსტრიას ავითარებს.
შვეიცარიული კომპანია Stadler Rail-ის მასშტაბური პროექტი,, ღამის მატარებლებისთვის 600 თანამედროვე საძილე ვაგონს აგებას ითვალისწინებს. კონტრაქტის საერთო ღირებულება 2.5 მილიარდ დოლარს აღემატება.
კითხვაზე, შესაძლებელი იყო თუ არა საქართველოში ადგილობრივი სატრანსპორტო მანქანათმშენებლობის განვითარება, TCRC-ში პასუხობენ, რომ შესაძლებელი იყო, მაგრამ სახელმწიფომ ვერ შეასრულა გაცემული დაპირება.
„საქართველოში გათვალისწინებული იყო სარკინიგზო მანქანათმშენებლობის დარგის განვითარებისათვის შვეიცარიულ კომპანია Stadler Rail-თან ერთობლივად თბილისში რეგიონული ქარხნის მშენებლობა, რაზეც ურთიერთთანამშრომლობის მემორანდუმს ოფიციალურად 2018 წელს მოეწერა ხელი. დოკუმენტს – თბილისის მერმა კალაძემ, კომპანია Stadler-ის სამეთვალყურეო საბჭოს თავმჯდომარემ შპულერმა და „საქართველოს რკინიგზის“იმდროინდელმა გენერალურმა დირექტორმა ფერაძემ მოაწერეს ხელი.”
დედაქალაქის მერის მიერ გაიცა დაპირება ახალი, თანამედროვე, ევროპული ტიპის Stadler-ის ვაგონების საქართველოში წარმოების შესახებ.
თუმცა, თბილისში აღნიშნული ქარხნის მშენებლობა არ განხორციელდა
Stadler Rail-ის განმარტებით, შვეიცარიულმა მხარემ თავის თავზე აიღო, თითქმის ნულიდან, ქარხნის კონტროლი და ყაზახეთში ქარხნის აშენება, რაც Stadler-ის სტანდარტების შესაბამისად წარმოების ხაზებიდან ხარისხის კონტროლის სისტემამდე სამუშაოების ორგანიზებას ითვალისწინებდა.
“დასანანია, რომ ანალოგიური საწარმო შესაძლებელია საქართველოშიც აშენებულიყო, Stadler-ის ქარხნის მშენებლობა და ადგილობრივი სარკინიგზო მანქანათმშენებლობის განვითარება ძლიერი ბიძგი იქნებოდა ქვეყნის ეკონომიკის განვითარებისთვის“, – წერს TCRC.
კომენტარები