“ის ხალხი არა ხართ თქვენ, კაცობა გასწიოთ, კაცებს ვინც ყიდის, ის ხალხი ხართ თქვენ!”

რეჟისორი, გუჯა ბიძია, სოციალურ ქსელში, წერს:

“ჩვენ ის საზოგადოება ვართ, გმირებს რო ვნატრობთ, და რომ გამოჩნდება და თვალს რომ ვარიდებთ.

უმეტესობა კი, სულელს რომ ეძახის, და დასცინის.

დღეს გავიგე ეს ამბავი, და ასეთი დაუცველობის და თან სირცხვილის შეგრძნება დიდი ხანია აღარ მქონია.

სირცხვილის იმიტომ, რომ თუ ამ ადამიანისთვის რაიმეს გაკეთება არ შემიძლია, მაშინ კაპიკად არ ფასობს ჩემი არც სხვა რამ გაკეთებული, თუ ნათქვამი, რო ქვეყანა გიყვარს, და რომ თავი კაცად მიგაჩნია, და უსამართლობის გაპროტესტების ტრაკიც გაქვს.

ასე გამოდის, ხო, რადგან მართლაც არაფერი არ არის შენი გაკეთებული იმასთან, რაც ამ კაცმა, ირაკლი ბებუამ გააკეთა.

ამ კაცმა, ერთი კვირის წინ, 27 სექტემბერს, სოხუმის დაცემის დღეს, გალში აფხაზური დროშა დაწვა.

და ხომ ვიცით ეს რას ნიშნავს?

და რომელი ჩვენთაგანი გააკეთებდა იგივეს იქ?

იქეთურ საქართველოში კი არა, აქეთ, დარჩენილ საქართველოში, 27 სექტემბერს ვინმემ ამის მსგავსი რამე გააკეთა?

რა აზრი ქონდაო ამის გაკეთებასო, იტყვის ვიღაც.

ჰქონია თურმე აზრი, ირაკლისთვის ჰქონდა აზრი!

და ეს კაცი დღეს სოხუმის ციხეშია,

უკვე მეშვიდე დღეა იქ ციხეშია და ხომ იცით ესეც რას ნიშნავს?

ყოველი დღე როგორ დაუღამდება და გაუთენდება ხვდებით ამას?

და ჩვენ რას შვრებით?

გავკარი ყველა პარტიის, თუ პოლიტიკოსის დვიჟენიებს, სახმაუროდ რომ ეძებენ რაღაც თემებს, თავის გამოსაჩენად, გავკარი მათ დაპირებებს, ენის აქაფებას, რომ ქვეყანას უშველიან, თუკი ერთი ადამიანის დასაცავადაც არ იღებენ ხმას, და არ აიძულებენ მათ, ვისაც ეს პირდაპირ ევალება, რაიმე გააკეთოს ამ ადამიანის დასახსნელად.

იმათზე ვამბობ, ხო, პოლიტროჟებზე, ასე თუ ისე ცნობადებზე, ყოველ ფეხის ნაბიჯზე გაკრული ბანერებიდან გაღიმებული სახეებით რომ გვიყურებენ, რას აკეთებენ ამ ბიჭის გადასარჩენად?

იმათმა უნდა გააკეთონ, ტელევიზორებიდან რომ არ გამოდიან, თორე აბა, ჩვენ თავიც რომ დავიწვათ საპროტესტოდ, ვინ მოგვაქცევს ყურადღებას?

თუ არ იციან რა ჰქნან?

ააწრიალონ საელჩოები, გააკეთონ განცხადებები, ჩაატარონ მიტინგები, მოითხოვონ ამ ბიჭის გათავისუფლება, ანდა გააკეთოს ყველამ ერთად იგივე, რაც ირაკლიმ გააკეთა და მიიქცევენ ყურადღებას, და იქნებ რამე გამოვიდეს და იმ ბიჭს ეშველოს და შემდეგ ვინც არჩევნებში ხმა არ მოგცეთ იმ ქართველის დედა გახნა ვირმა.

წადით, გადით ქუჩაში, მოითხოვეთ, რაიმე გააკეთეთ, ამაზე მეტი “აჩოკი” როგორ უნდა დაიწეროთ.

სკამის და ფულის გამო მაინც გაკეთეთ რაიმე ადამიანური.

მაგრამ ის ხალხი არა ხართ თქვენ, კაცობა გასწიოთ, კაცებს ვინც ყიდის, ის ხალხი ხართ თქვენ!”