ჟურნალისტი, ,,ოდიში ნიუსის” რედაქტორი, ლაშა ბერულავა:
,,ჩემო ევასდროინდელო მეგობრებო ენმ-დან და ამ პარტიის აქტიურო მხარდამჭერებო!
არის ასეთი სერიალი: “სანამ შენ გეძინა”.
მთლად შესაბამისი იქნებ არ იყოს, მაგრამ სანამ ჩვენ გვეძინა, გიორგი გახარიამ სამეგრელო საპატრულო კვადრატებად დაჰყო, პატრულირებაც ჩაატარა, ხვნა, თოხნა, მარგვლა მოამთავრა, სასუქიც შეიტანა, დათესა კიდეც და შემოდგომაზე წიწილებსაც დაითვლის.
მის გუნდში არიან ისეთი ადამიანები, რომლებსაც სამეგრელოში სიტყვა ეთქმით, უჭრით და რომელთა სიტყვასაც უსმენენ.
არ ჩამოვთვლი ამ ადამიანებს, ისედაც იცით და დღეს გამოჩნდნენ კიდეც, ოფისის გახსნის დროს.
მინდა დაგამშვიდოთ: კიდევ ბევრნი გამოჩნდებიან, ლეგიონია სახელი მათი.
შემიძლია კიდევ უფრო მეტად დაგამშვიდოთ: ის ძალოვნები, ვინც სტრუქტურებში მუშაობდნენ და ჩვენ გვაძლევდნენ ხმას, ფა-ფუ!
კიდევ მაქვს ერთი დასამშვიდებელი აბი:
გამგეობიდან, სამხარეო ადმინისტრაციიდან კიდევ ბევრი გადაბარგდება ყოფილ პრემიერთან, რომელიც დადგება და, გავიმეორებ, წიწილებს შემოდგომაზე დაითვლის.
რას დავითვლით ჩვენ?
ბუზებს?
“გაფრენილან, თორემ ოცნი იყვნენ?”
რას ვაკეთებთ საერთოდ რეგიონში იმის გარდა, რომ ერთმანეთს ვეჯიბრებით, გამსვლელ სიებში რანაირად მოვხვდეთ?
ანაკლიაში გახარია რომ ჩავა პირველი, წინასაარჩევნოდ, არ გიტყდებათ?
იმ ანაკლიაში, სადაც დღიდან დაარსებისა, არასდროს, არცერთი არჩევნები არ წაგიგიათ, თვით 2012 წელსაც კი, როცა მოდულში გახსნილ საარჩევნო, დახურულ უბანზე წააგეთ?
აი, რას ფიქრობთ, რაზე ფიქრობთ, რას აპირებთ?
ვის აბარია რეგიონი და ვისაც აბარია, სად არის აბა?
ვინ გყავთ ზუგდიდის მერობის კანდიდატი?
ოცნების ვიცით, სავარაუდოდ – მამუკა წოწერია,
გახარიასი ვიცით, სავარაუდოდ – გეგა შენგელია.
ორივე წონადია, გეგა მამუკას აჯობებს(პირადი აზრია), მაგრამ ჩვენ რას ვაკეთებთ, ჩვენ?
მახათი და მისი ჯანი?
გულგონთხართა საერთოდ?
სო რე სტრატეგია დო იდეურ-პოლიტიკურ დონე?”
კომენტარები