ირანის საელჩო “თანაგრძნობის და სოლიდარობის” შეხვედრას აანონსებს – დეტალები

საქართველოში ირანის ისლამური რესპუბლიკის ელჩი, განცხადებას აქვეყნებს, რომლიდანაც ცნობილი ხდება, რომ ხვალ, პარასკევს, იწვევს საელჩოში საქართველოს მოქალაქეებს.

პარასკევს, 10:00-დან 16:00 საათამდე, ირანის ისლამური რესპუბლიკის საელჩო თბილისში უმასპინძლებს საქართველოს მოქალაქეებს.

მოწვევა ეხება ყველა იმ პირს, ვისაც სურს გამოხატოს თანაგრძნობა და სოლიდარობა წარმოშობით ქართველი ირანელების მიმართ – იმ უდანაშაულო მსხვერპლთა ხსოვნის პატივსაცემად, რომლებიც სამხედრო აგრესიის შედეგად დაიღუპნენ.

თქვენი ჩანაწერები სამძიმრის წიგნში გახდება არა მხოლოდ სიტყვები, არამედ ისტორიის ნაწილი —

სამახსოვრო ხიდი, რომელიც აერთიანებს ჩვენს ხალხებს სამიათასწლიანი ურთიერთობების ფარგლებში.

ეს წიგნი, ქართველი ხალხის გზავნილებით, მომავალში გადაეცემა ფერეიდანის ისტორიულ მუზეუმს —

იქ, სადაც ცხოვრობს ქართული წარმოშობის თემი.

მოდით, ერთად დავამტკიცოთ, რომ სოლიდარობასა და ადამიანურ თანადგომას საზღვრები არ გააჩნია.