ფოტო – Vakho Kareli
სამოქალაქო აქტივისტი, სალომე სიმონია:
ირაკლი გალიდანაა და მისი ოცნება აფხაზეთში დაბრუნება ყოფილა. იქ გატარებულ დღეებს ხშირად იხსენებსო – დედამ. ირაკლის ძმა თურმე ფეხბურთის თამაშს გეგმავს ძმასთან ერთად.
იმ წამალს, რასაც მშობლები ითხოვენ, მხოლოდ ბავშვების ოცნებების კი არა, სიცოცხლეების გადარჩენა შეუძლია.
მშობლები ჯანდაცვის სამინისტროში 8-ჯერ მივიდნენ. შეხვედრები უშედეგო აღმოჩნდა. ბოლოს მინისტრი გაიბუტა.
3 თვეა კობახიძესთან შეხვედრას ითხოვენ, მაგრამ მან ვერასდროს მოიცალა. ახლა უკვე კანცელარიის შესასვლელსაც პოლიციით ბლოკავენ.
ამ წამალს ამერიკისა და ევროპის ქვეყნებში იღებენ ბავშვები, სრულად უფინანსდებათ კიდეც და შედეგებიც ძალიან კეთილსაიმედო აქვს.
დიუშენის კუნთოვანი დისტროფიით დაავადებული ადამიანი 20 წლამდე ძლივს აღწევს. მკურნალობის კურსი კი, მათ სიცოცხლეს აორმაგებს.
ეს ვერაგი დაავადება სწრაფად ვითარდება, გულისკენ მიიწევს და ფატალური შედეგი დგება.
სწორედ ამიტომ, დროს გადამწყვეტი მნიშვნელობა აქვს. წამალი არსებობს, მაგრამ მშობლებს იმის ღირსადაც არ თვლიან პასუხი მაინც გასცენ.
18 აპრილს, შაბათს, 19:00 საათზე, ფილარმონიიდან პარლამენტისკენ მსვლელობა იმართება – წამლის შემოტანის მოთხოვნით.
იქნებ ამ ერთობით იმასაც მივაღწიოთ, რომ ირაკლი მაინც დავაბრუნოთ აფხაზეთში, რომ ძმასთან ერთად შეძლოს ფეხბურთის თამაში.
ფოტო ©️ Vakho Kareli
კომენტარები