“იქნებ ვინმემ საკვები მაინც მოგვაწოდოს, 6 ქალი ვართ ბინაში” – წერილი იტალიიდან

იტალიაში მცხოვრები ემიგრანტი, ნათათო გიორგაძე, სოციალურ ქსელში აქვეყნებს სქრინებს და წერს:

“ასეთი რამდენი შეტყობინება უნდა მივიღო?! ხალხი დახმარებას ითხოვს❗️
ეს ქალბატონი ნაპოლში ცხოვრობს და იქნებ დავეხმაროთ როგორმე! 
პირადში მოსული შეტყობინება გამოვაქვეყნე მისივე თანხმობით!”

სქრინებში ეს ტექსტი წერია:

“ქალბატონო ნათი, რამდენიმე დღის წინ იყო რაღაც აპლიკაცია, უნდა შეგევსო და პროდუქტით გეხმარებოდნენ, ნომერი მომცეს ტელეფონის და მითხრეს შეგვეხმიანეო, ვეღარ ვუკავშირდები. დიდი ბოდიშით, ხომ არ იცით, ვის მივმართოთ დახმარებისთვის?

უმუშევრები ვართ დამსაქმებლის ბინაში, პირადად მე 6 მარტს გამიხდა სამი თვე, რაც აქ ვარ, სულ ორი თვე ვიმუშავე, დაიღუპა ბებო და დავრჩი ასე უმუშევარი უფულოდ ამ უცხო მიწაზე, ბილეთი მიყიდეს ბავშვებმა საქართველოდან, 15 მარტს უნდა გავფრენილიყავი უკან. ნაპოლი დაიკეტა, ბილეთიც გამიუქმდა. იქნებ დაგვაკვალიანოთ, ვის მივმართოთ, რომ საკვები მაინც მოგვაწოდონ, 6 ქალი ვართ ბინაში.”