“იმ ქვეყნების პარლამენტის სპიკერები ჩამოვიდნენ უკრაინაში, რომლებიც ამბობენ რომ ეს საშინელება დადგმულია” – სტეპანჩუკი

რადას თავმჯდომარე რუსლან სტეფანჩუკმა სხვადასხვა ქვეყნების პოლიტიკოსებს  მიმართა, სტეფანჩუკი დღეს თავად იმყოფებოდა კიევის ოლქის ქალაქ ბოროდიანკაში, სადაც ოკუპანტებმა მძიმე ვითარება დატოვეს:

“ყველა ხედავს რაც აქ ხდება. მინდა რომ იმ ქვეყნების პარლამენტის სპიკერები ჩამოვიდნენ უკრაინაში, რომლებიც ამბობენ რომ ეს საშინელება დადგმულია და ნახონ ის რაც აქ ხდება. ჩამოდით და ნახეთ, ჩვენც განახებთ ყველაფერს. გაიგებთ ეს სინამდვილეში დეკორაციაა, თუ რეალური ადამიანური უბედურება. ვიწვევ იმ ქვეყნების სპიკერებს, ვისაც არ სჯერა იმ საშინელების, რომელიც უკრაინაში ხდება. რუსები არამხოლოდ მოქალაქეებს, ქალებს და ბავშვებს, არამდეც მონუმენტებსაც ებრძვიან. ეს არის გენოციდი. დღეს უკრაინის უმაღლეს რადაში გენოციდზე ვიმსჯელებთ.” თქვა სტეფანჩუკმა. 

უკრაინის რადა  რუსეთის მიერ უკრაინაში მოწყობილ გენოციდს, ოფიციალურად დააკანონებს. პარლამენტში უკვე შეტანილია კანონპროექტი, რომელიც უკრაინელი ხალხის გენოციდის აღიარებას ეხება;