“იმ იარაღის დიდი ნაწილი, „ნაცებმა“ მიწაში შეინახეს და გამოყენებასაც აპირებენ, როგორც კი საქმე სამოქალაქო ომამდე მივა” – დავით ნემსაძე

ლევან ჯავახიშვილი

„ალიას“ ესაუბრება „არმიის სამოქალაქო კონტროლის ჯგუფის“ ხელმძღვანელი, პოლიტიკური დევნილი, დავით ნემსაძე.

– დღეს იცი, რა  სიტუაციაა? ხალხი ფიქრობს, თუ  მიხეილ სააკაშვილი უნდა იჯდეს ციხეში, მაშინ ბიძინა ივანიშვილიც უნდა იჯდესო. და ეს არის კიდევ იმ ხალხის აზრი, ვინც გამოვიდა „ნაცმოძრაობის“  დიდ აქციაზე. მე არ ვარ მიხეილ სააკაშვილის მომხრე, ვრჩები მის მოწინააღმდეგედ. მივიჩნევ, რომ ამ ადამიანმა ჰააგის ტრიბუნალზე გასარჩევი დანაშული ჩაიდინა. ეს იყო დანაშული ქართველი ერისა და კაცობრიობის წინააღმდეგ. სააკაშვილი თავის სისტემასთან ერთად უნდა გასამართლდეს, როგორც გასამართლდა „ნიურბეგის პროცესზე“ ჰიტლერის რეჟიმი. გულახდილად გეუბნებით ამას. არსებობს პოლიტიკური მოცემულობა ამ ყველაფრისა. არსებობს დრო, გარემოება და არსებობს დამკვეთის ნება. დამკვეთი იყო ქართველი ერი, მაგრამ რაც შეეხება ამ პროცესებს, გაასამართლეს კი არა, მისი პოლიტიკური რეინკარნაციისთვის ყველაფერი გააკეთეს და დღეს ის ამზადებს რევანშს. რა შედეგიც არ უნდა აჩვენოს არჩევნებმა, „ქართული ოცნება“ მას ვერც პოლიტიკურ ომს, ვერც საინფორმაციო ომს, ვერც  სოციალურ და პოლიტიკურ ომს ვერ უგებს და მზად არის, მხოლოდ ფიზიკური დაპირისპირების დონემდე წაიყვანოს ქართული საზოგადოება. ეს დაპირისპირება კი დაღუპავს და ჩაძირავს მთელ ქვეყანას.

– მივა მაქამდე საქმე?

– აუცილებლად მივა. ახლა როგორ მიგაჩნია, სულელები არიან „ნაცები“? ყველაფერს გააკეთებენ, დამიჯერე. სად წავიდა ის იარაღი, რომელიც თითქოსდა რუსეთს ჩააბარეს 2008 წლის ომის დროს? კი, ნაწილი დაკარგეს, ჩააბარეს რუსეთს, მაგრამ ამ ქაოსში საკმაოდ სოლიდური შეიარაღება შეინახეს, მიწაში აქვთ შენახული, რომლის გამოყენებასაც დღეს აპირებენ, როცა  საქმე სამოქალაქო ომამდე მივა.

ფორმალურად, ეს იარაღი და საბრძოლო ქონება ომში დაკარგულად ითვლება, მაგრამ რეალურად ინახავენ მიწაში. სერიოზული სამხედრო შეიარაღებაა. მსხვილკალიბრიანი, ხელყუმბარები, ასაფეთქებელი საშუალებები, შაშხანები, სხვა და სხვა სახის ქვეითსაწინააღმდეგო იარაღი. მათ შორის, იარაღი ფორტიფიკაციური ნაგებობების გასანადგურებლად, საინჟინრო დანიშნულების იარაღი – ასაფეთქებელი მოწყობილობები. ესენი არსად წასულა, შენახულია ყველაფერი. თუ ვინმე ფიქრობს, რომ შეიარაღებული დაპირისპირების შემთხვევაში „ნაცები“ მზად არ იქნებიან ამუნიციით, ძალიან სცდებიან.

– იმის შანსი რამდენად არის, რომ მანამდე არ მივიდეს საქმე? ჭკუა არ ეყოფა ხელისუფლებას? 

– არა, არ ეყოფათ ჭკუა. ირაკლი ღარიბაშვილის განცხადებებს ვუსმენ და ბაგა–ბაღის ბავშვი უფრო გონებამახვილი, უფრო წინდახედულია, ვიდრე ღარიბაშვილი.  სააკაშვილი გულზე არ მეხატება, მაგრამ მასაც აქვს სამართლიანი სასამართლოს უფლება, პატიმრის უფლებები. არსებობს საერთაშორისო კანონები და კონვენციები, რომელთაც ვერ გავექცევით. თუ სააკაშვილია ისეთი, როგორიც არის, ჩვენ ვერ გავხდებით მისნაირები. ამაშია ადამიანების ჰუმანური განსხვავებები. ამას უნდა ძალიან სერიოზული ფიქრი და გააზრება.

რაც ღარიბაშვილის ხელისუფლებამ გააკეთა, თუნდაც პირადი ტელეფონიდან ვიდეო რომ გამოუქვეყნეს სააკაშვილს, სადაც ამბობს, რომ ვითომ გაიტაცეს, ეს ნორმალური საქციელი იყო? სააკაშვილის ტელეფონი გადაგზავნილია ოფიციალურ ექსპერტიზაზე, ჯერ, სასამართლო განჩინებით, პროკურატურას იმ ტელეფონიდან ინფორმაციის ამოღება არ მოუხდენია და როგორ მოხვდა ეს ვიდეო ტელეკომპანია „იმედში“? უკანონოდ, არა? ჰოდა, სააკაშვილის რეჟიმი რასაც  აკეთებდა, იმავეს რატომ აკეთებ? უკანონობის ჩამდენს უკანონობით რატომ ებრძვი, როცა დამპირდი, რომ სააკაშვილის უკანონო რეჟიმს არჩევნებით რომ დაასრულებდი, სამართლებრივი სახელმწიფო უნდა აგეშენებინა? აქ არ არის ბრძოლა სახელმწიფოსა და კრიმინალს შორის, აქ არის ბრძოლა ორ კრიმინალურ დაჯგუფებას შორის, თავისთავად, მათ ხელთ არსებული კრიმინალური მეთოდებითა და საშუალებებით.

– დათო, ეროვნული ძალები სად არიან, რომ არ ჩანან?

– საქართველოში ეროვნული ძალები არ არსებობენ. საქართველოში არსებობენ ფსევდო–რაინდები, რომლებიც მაშინ, როდესაც ერს უჭირს, წვებიან საავადმყოფოებში, იდგამენ კათეტერებს და იქიდან ვიდეო–ლაივებს წერენ.

ამ დონეზეა ე.წ. ეროვნული ჯგუფები. ასევე მინდა, განცხადება გავაკეთო. ხელისუფლება ცდილობს კონსერვატიული ელემენტების გულის მოგებას. უკვე იმ ხალხის გვერდზე აპირებს ლგბტ ჯგუფის წარმომადგენელი, თაბაგარი ჩასვას ციხეში,  რომელსაც პოლიციელის შეურაცხყოფას ედავებიან და დაიჭირეს. ამას იმიტომ კი არ აკეთებს, რომ  ის ან ლგბტ–ებს ებრძვის, ან პოლიციელების შურაცხმყოფელებს. არა, ამას იმიტომ აკეთებს, რომ ხალხის გული მოიგოს. 17 მაისს რომ დაიჭირა ეროვნული იდეის ერთგული ხალხი და დღემდე ციხეშია არიან, თაბაგარის დაჭერით ერთგვარად უნდა ეს დააბალანსონ…