კონსტიტუციონალისტი, ვახუშტი მენაბდე:
დღეს რეჟიმი ჩვენს ორ თანამებრძოლს ლევან ლორთქიფანიძეს, გიგა ბექაურს ასამართლებს, ისეთ ადმინისტრაციულ სამართალდარღვევაში სდებს ბრალს რომელიც არ ჩაუდენიათ.
იმ დღეს მე თავად ველაპარაკებოდი პოლიციას და გეტყვით რა მოხდა. საქმე ასე იყო:
ფილარმონიიდან დავიძარით დიდი მსვლელობით საზმაუსკენ. კინოთეატრ ამირანს ჩამომცდარი ვიყავით, როცა არსაიდან 20-მდე პოლიციელი გაჩნდა და გზა გაათავისუფლეთო.
ვუთხარით, ბევრნი ვართ, აქ ტროტუარი ვიწროა და ვერ დავეტევით, იქნებ დაგვეხმაროთ ორგანიზებაში, 4-დან 2 ზოლს გავათავისუფლებთ და ისე ვივლით.
ამაზე პასუხი ცინიზმის ანთოლოგიას დაამშვენებდა: ვინც აქეთ ტროტუარზე არ დაეტევით, იქეთ ტროტუარზე გადანაწილდითო (ეს უკანონო მოთხოვნაა, საკმარისია ერთ ტროტუარზე ვერ ეტეოდეს ხალხი, მათ სავალ ნაწილზე გადასვლის უფლება აქვთ).
ამის თქმა იყო და პოლიცია ისევე სწრაფად გაქრა, როგორც გაჩნდა.
მოუხედავად ამისა, ჩვენ მაინც ვცადეთ ორი ზოლის გათავისუფლება, მაგრამ ძალიან ბევრი ხალხი იყო და პოლიციის დახმარების გარეშე იმწუთას ეს არ გამოგვივიდა. ლევანი მეგაფონით მოუწოდებდა ხალხს მარცხნივ გადმოდითო, მაგრამ ეს მხოლოდ ავტობანის დასაწყისთან შევძელით.
სინამდვილეში ალბათ 15 წუთი იყო გზა გადაკეტილი ამირანიდან ავტობანამდე (რამდენიმე ასეული მეტრის) გზის გავლას რაც დასჭირდა.
გაკვეთილი ასეთია: დაემორჩილები თუ არ დაემორჩილები მნიშვნელობა არ აქვს, პოლიცია იცავს არა წესრიგს, არამედ რეჟიმს, ის პროტესტს სჯის.
კომენტარები