„სწორედ დღეს ასრულებს პარლამენტი თავის იმ ფუნქციას, რომელიც კონსტიტუციურად უმნიშვნელოვანესია და გულისხმობს საგანგებო ვითარების გარეშეც, როდესაც პანდემიაა გამოცხადებული, ქვეყანამ შეძლოს კანონმდებლობის საფუძველზე მოახდინოს სწრაფი, მობილური და ძალიან ეფექტური რეაგირება“, – განაცხადა პარლამენტის იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა „საზოგადოებრივი ჯანმრთელობის შესახებ“ კანონში შესატან ცვლილებზე საუბრისას „რუსთავი 2-ის“ ეთერში.
მისივე თქმით, აღნიშნული კანონპროექტით რა შეზღუდვაც ხელისუფლებას შეუძლია დააწესოს პანდემიის ვითარებაში, ამ კანონში ისედაც იყო და ის 2007 წელს არის მიღებული.
„ჩვენ ბრალს გვდებენ, რომ ვცდილობთ პარლამენტის როლი დავაკნინოთ, არადა ეს პირიქით არის. ამ შემთხვევაში, ჩვენ პარლამეტის როლს მაქსიმალურად ვზრდით, რადგან კანონმდებლობაში არსებული ჩანაწერის გაშლის და ამ უფლებების და შეზღუდვების საზოგადოებისთვის კარგად ცნობადობის ამაღლების კუთხით კვლავ ვერთვებით მსჯელობაში და ცვლილება შეგვაქვს კანონმდებლობაში“
“ალია” – თუ უკვე არსებობდა ასეთი კანონი – იურიდიული კომიტეტი რას განიხილავდა ორი დღე? რისთვის აიღებთ ამ ორი დღის ხელფასს, იგივე კანონის თავიდან განხილვაში და შემოღებაში?
რატომ აკეთა “ოცნებამ” ასეთი განცხადებები გუშინ და გუშინწინ თუ უკვე არსებობდა მსგავსი კანონი?
გამეორება ცოდნის დედაა და ცნობადობა აგვიმაღლეთ?
რა საჭირო კანონი შემოუღია მიშას 2007 წელს, ა?
და ბოლოს, რა თქმა უნდა, რომ ყოფილიყო მსგავსი კანონი, ხელმეორედ არ შემოიღებდნენ და ეს მინიმუმ სპეკულირებაა. რა განსხვავებაა პანდემიასა და საგანგებო მდგომარეობას შორის კანონმდებლობის მიხედვით, უახლოეს მომავალში დაწვრილებით შემოგთავაზებთ.
კომენტარები