“იანდექსის” მძღოლებმა კალაძის ლანძღვა დაიწყეს… “იანდექსის” მეპატრონეებს ჩარევა მართებთ” – ნიკოლეიშვილი

სასამართლო სამედიცინო ექსპერტი, მაია ნიკოლეიშვილი:

იანდექს ტაქსი რუსული ტაქსიაო, და არ ჩავჯდებითო, ნაც-ვაი-პატრიოტები გაიძახოდენ.

მე ვსარგებლობ ამ ტაქსით. მშვენიერი მომსახურება იყო, სუფთა მანქანები, მშვიდი და კულტურული მძღოლებით.

ბოლო ორი კვირა იქნება, რაღაც რადიკალურად შეიცვალა: მძღოლი ჩაჯდომისთანავე წუწუნებს, რომ გაჩერება გაუჭირდა, აგრძელებს საცობებზე წუწუნით, მერე არათბილისელი კალაძის ლანძღვა იწყება, ხან ხეები დაჭრა და დარჩენილს არ უბარავენო, ხან რეკლამას აკეთებდა საცვლებისო…მერე მძღოლი აკეთებს დასკვნას, რომ ქვეყანას პატრონი არ ჰყავს.

სხვადასხვა მძღოლების ტექსტები საოცრად მსგავსია! მესიჯ ბოქსებია, თავისი შესავლით, მაგალითებით, “არგუმენტაციით” და დასკვნით, რომ ქვეყანას პატრონი არ ჰყავს!

როცა ვპასუხობ, რომ მისი პოლიტინფორმაცია არ მჭირდება და მშვიდი მგზავრობა მინდა, გაბრაზებულები დადუმდებიან.

ეს მოკლე დროში იმდენჯერ განმეორდა, მგონია, რომ არაა შემთხვევითობა, ან დამთხვევა.