,, გვიკვირს – მანდ ვინც მუშაობს, მერე ბავშვებს როგორ კოცნიანო” – ზაზა ბიბილაშვილი

ჭავჭავაძის ცენტრის ერთ-ერთი დამფუძნებელი, ზაზა ბიბილაშვილი:

,,ტვ “იმედის” ფენომენის ასახსნელად საკუთარ თავს უნდა შევხედოთ: შეუძლებელია, სინდისიერ ადამიანს მოსწონდეს ტვ “იმედი” – სიყალბის, სიცრუის, ქართულენოვანი რუსული პროპაგანდის უშრეტი წყარო. გვიკვირს – მანდ ვინც მუშაობს, მერე ბავშვებს როგორ კოცნიანო. მაგრამ გავა სულ ცოტა დრო და ყველაფერს დავივიწყებთ. გადავკოცნით, სუფრაზე ჭიქას მივუჭახუნებთ, სემინარზე ერთად დავსხდებით. შეიძლება კრიტიკულ არხზეც დავასაქმოთ… ყველა, ვინც ამას გარედან უყურებს, ფიქრობს, რომ უსინდისობა რაღაც უარყოფითი მოვლენა კი არა, შნოა. მარიფათია. თუ შეგიძლია, მიდი – იხეირე, დიდი ამბავი! შეიცვლება დრო, გადაატრიალებ “პლასტინკას” და იქაც იხეირებ. ასე თუ არ იქცევი, სულელი ხარ. ასე გამოდის. ასე ვზრდით თაობებს… არადა, საკმაოდ მარტივია ამ ფენომენის (შეგნებული ღალატისა და გააზრებული უსინდისობის) დამარცხება:

მეხსიერება.

ყველა, ვინც ამ ბოროტებას ემსახურება. ყველა, ვინც შეგნებულად იგონებს ტყუილს, რომ პატრონს აამოს, სანაცვლოდ კი მატერიალური სარგებელი ნახოს, ყველა, ვინც რუსული კანონის მიღებას მისცა ხმა:

სახელებით და გვარებით უნდა გვახსოვდეს. და როცა ისინი ფავორში აღარ იქნებიან, როცა ისინი “ოცნებიდან” თუ ტვ “იმედიდან” წამოვლენ – არა, როცა მათ იქიდან გამოაგდებენ, როგორც გამოყენებულ, ამოწურულ და უსარგებლო “საქონელს” – ისინი სხვაგან არ მივიღოთ/დავასაქმოთ.

თუ უსინდისობას სოციალური ფასი არ დაედო, სულ იარსებებს ტვ “იმედი”. ასე რომ, ეს ის შემთხვევაა, როცა პრობლემა ჩვენშია. იმაში, რომ მეხსიერებას – და, ამით, საკუთარ თავს – ვებრძვით.”