„ოღონდ სააკაშვილი გარეთ გამოვიდეს, ოღონდ ისევ არეულობა და დესტაბილიზაცია იყოს ქვეყანაში, ყველაფერზე მიდიან “ნაციონალები” და მათი მთავარი პროპაგანდისტი გვარამია,“- წერს სოციალურ ქსელში ანალიტიკოსი ლევან ნიკოლეიშვილი.
მისი თქმით, სააკაშვილის მხარდამჭერები პატრიარქსა და საპატრიარქოს დიდი ხანია ებრძვიან და მეუფე შიოს ქადაგების კრიტიკაც ამ ბრძოლის გაგრძელებაა.
„ჯერ იყო და ჯალათი ბელადის მხარდაჭერები მოაგროვეს თბილისში, ახლა კი ჩვეულ რეჟიმში საპატრიარქოს, პატრიარქსა და მის თანამოსაყდრეს, მეუფე შიოს მოუბრუნდნენ – ქრისტიანული სწავლებისა და ქადაგების კრიტიკა დაიწყეს. ეკლესიის წინააღმდეგ მათი ბრძოლა არ ახალია, ძველია-მაგრამ აქ მთავარი ის არის, რომ მეუფე ამბობს – ბოროტება სამართლიანი სასჯელით უნდა აღიკვეთოსო!
სამაგიეროდ მოსწონთ და აგულიანებენ სააკაშვილის მხარდამჭერებს: მხატვრებს, მწერლებს, მომღერლებს, მოცეკვავეებს, მოტირალ ფანატიკოს გოგონებს,მღვდლებს-ფაქტიურად ყველა ერთად იწონებს, პეტიციაზე ხელს აწერს და პასუხისმგებლობასაც იღებს იმ ბოროტებებზე, რასაც სააკაშვილი ჩადიოდა და ამას გვარამიას ბრძანებით აკეთებთ? გვარამიას ნათქვამი მოგწონთ და პატრიარქის თანამოსაყდრის სიტყვის არ გჯერათ და არ მოგწონთ? ახლა უფრო მეტად გასაგებია ეს ყველაფერი-იმას რასაც სააკაშვილი აკეთებდა, კიდეც მოგწონდათ და კიდეც ხელს უწყობდით-ირიბად თუ პირდაპირ თვითონ გადაწყვიტეთ!“- წერს ნიკოლეიშვილი.
ცნობისათვის, ექსპრეზიდენტ სააკაშვილის მომხრეთა კრიტიკა და გულისწყრომა საპატრიარქო ტახტის მოსაყდრის, სენაკისა და ჩხოროწყუს მიტროპოლიტის შიო (მუჯირი) ქადაგებისას გაკეთებულმა განცხადებამ გამოიწვია, სადაც მეუფემ განაცხადა, რომ სახარება ყველასათვის ყველაფრის პატიებას არ გვასწავლის.
„დღეს საუბრობენ საყოველთაო შერიგებაზე. სხვათა შორის, ხშირად არასწორად განმარტავენ ქრისტიანულ სწავლებას, ამბობენ, რომ ყველას ყველაფერი უნდა აპატიო, ყოველთვის ყველას უნდა შეურიგდე. ასეთი რამ სახარებაში არ გვიწერია და, გარდა იმისა, რომ სამართლიანი სასჯელითაც უნდა აღიკვეთოს ბოროტება, ასევე ზოგჯერ, უკიდურეს შემთხვევებშიც, უნდა მოვიკვეთოთ ასეთი ადამიანი, პირად მტერზეა საუბარი, მოვიკვეთოთ ჩვენი ცხოვრებიდან ან საზოგადოებიდან,”– თქვა მიტროპოლიტმა ქადაგებისას.
„თავისუფლება მიშას. ძირს ეგზარქოსი შიო,“- ასე გამოეხმაურა მიტროპოლიტის ქადაგებას „მთვარი არხის“ გენერალური დირექტორი ნიკა გვარამია.
კომენტარები