ჟურნალისტი, თამო კეშელავა:
“გაკვირვებია ხალხს, გვარამია რომ არ გაათავისუფლეს დღეს.
სასწაული პირდაპირ.
დააკავეს სამსახურის მანქანაში ოჯახის წევრების ჩასმის გამო და არაფერი არ მომხდარა, არაფერი საერთოდ.
მისი ტელევიზია ხელფასებს ვერ იხდისო და თანამშრომლები სხვა არხებზე გადავიდნენ, მოდი, ფინანსების მოძიებაში დაგეხმაროთო, კი არა, მოდი, სამსახურს გიპოვითო, უთხრეს და მილიონერები სხედან ოპოზიციის სახელით პარლამენტში და სასამართლოს წინა დღეებში, კამათია, პარლამენტიდან არ გამოვალთ, იმიტომ კი არა, რომ აქ რამე კანონს ვცვლით კარგისკენ, მანდატი გვინდა იმიტომო, რომ უცხოელ პარტნიორებს ველაპარაკოთო, თითქოს ისინი უმანდატოებს მართლა არ ელაპარაკებოდნენ. ვანო მერაბიშვილი, მერაბიშვილი ვანო იყო ამას წინათ შეხვედრაზე, სადაც 24 ქვეყნის წარმომადგენელი იჯდა:)
ხოდა, გვარამია რატომ არ გაათავისუფლესო?
რატომ უნდა გაეთავისუფლებია?
ევროკავშირი არ მიგვიღებსო…
კაი, კაცო, უნდა იმ კაცს ევროკავშირში? რა შეატყვეთ საიმისო, რომ უნდა? ევროკავშირში რომ იყოს, ჩრდილოვანი მმართველობა და ფარული გარიგებები ამ მასშტაბით ვეღარ ექნება და უნდა?
რატომ უნდა უნდოდეს რაღაცა პრინციპები კაცს, რომელსაც ფულის დაგროვების მეტი არაფერი უკეთებია და ყველა პირობა დაარღვია?
ველოდებით, შეცდომას დაუშვებსო – აბა, კიდე კაი, აქამდე შეცდომა არ დაუშვია, ბეწვზეა გადარჩენილი.
ეს ზღვარიაო…
წითელი ხაზიაო…
ეს ბოლოაო…
ეს დასასრულიაო…
მერამდენე ზღვარია და მაგის იქეთ კიდევ ახალი ზღვარია?
უფსკრულის პირას ვართო…
მერეო?
მერე ველოდებით 2024 წლის არჩევნებსო.
და გვარამია რატომ არ გამოუშვესო, კაცო, რატომ არ გამოუშვესო…
ნეტა, რატომ?
სასწაული პირდაპირ…
ნწ, ნწ, ნწ…
მე ის გამიკვირდებოდა, რომ გამოეშვათ!”
კომენტარები