“გუშინ ჟურნალისტმა დამისვა კითხვა…” – ლევან იოსელიანი

დეპუტატი პარტია “მოქალაქეებიდან”, ლევან იოსელიანი:

“გუშინ ჟურნალისტმა დამისვა კითხვა – როგორი ადამიანები მოგწონსო, გეტყვით როგორი: საკუთარ თავზე გაუთავებლად, რომ არ ყვებიან სულელურ ისტორიებს და რაღაც მიღწევებსა და წარმატებას პირში რომ არ გჩრიან, უცერემონიოდ. ეს თვისება განსაკუთრებით პოლიტიკოსებს გვახასიათებს და კიდევ, ბიზნესმენებს. თორემ, იშვითად შემხვედრია მასწავლებელი ან ექიმი საკუთარი ლექციების ხარისხით ან მორჩენილი ავადმყოფების რაოდენობით ეტრაბახოთ….. რატომ გამახსენდა დღეს ეს ყველაფერი? უფრო დიდ წარმატებისათვის, ვიდრე დავით აღმაშენებელმა მიაღწია, ჯერ არავის მიუღწევია ამ ქვეყნის ისტორიაში.

დღეს, რომ საქართველო არსებობს მას უნდა ვუმადლოდეთ, მაგრამ ცხოვრება სინანულით დაასრულა და არა მიღწეულ წარმატებაზე ლექსების წერით. დღეს, დავით მეფის ხსენების დღეა, კაცის რომელსაც ყეყეჩობა არ უყვარდა.

ყველას გილოცავთ!”