ჟურნალისტი, „კავკასიის“ დირექტორი, ნინო ჯანგირაშვილი ევროპული პოლიტიკური გაერთიანების მე-8 სამიტზე წერს, რომელიც ერევანში ტარდება:
„დღეს ერევანში მსოფლიოს 48 ქვეყნის ლიდერი ჩავიდა, ევროპული პოლიტიკური გაერთიანების სამიტზე. ხვალ და ზეგ ევროკავშირ–სომხეთის სამიტი იქნება,რომელიც როგორც ევროკავშირი წერს “წარმოადგენს მნიშვნელოვან შესაძლებლობას ორმხრივი ურთიერთობების კიდევ უფრო გასაძლიერებლად, განსაკუთრებით კავშირების, ენერგეტიკის, ტრანსპორტისა და ციფრული თანამშრომლობის მიმართულებით.“
სომხეთი გეოპოლიტიკურ რუკაზე ჩნდება როგორც საინტერესო მოთამაშე, არა როგორც რუსეთის სატელიტი, არამედ ახალი მიზიდულობის ცენტრი ინვესტიციებისთვის, ტექნოლოგიებისთვის, გლობალური პროექტებისთვის.
ეს იმიტომ მოხდა, რომ სომხეთს არ მართავს რუსი ოლიგარქი. მართავს პოლიტიკოსი, რომელსაც მისი ქვეყნის გაძლიერება, რეალური დამოუკიდებლობა და განვითარება უნდა.
სად არის საქართველო ამ დროს? ამოგდებული ყველა პროექტიდან, ჩაკეტილი, ჩარაზული, უპერსპექტივო და გაღატაკებული. მხოლოდ იმიტომ, რომ თავზე დავისვით რუსი ოლიგარქი, რომელსაც თავისი ანგარიშები აქვს პუტინთან და მისი შიშით საქართველო ჩამოაცილა ცივილიზებულ სამყაროს, ძალაუფლების შენარჩუნების გამო კი აქ გაუსაძლის ვითარებას ქმნის, რომ ვისაც რამე შეუძლია, ყველა გაიცეს, გარედან კი ნორმალური არავინ შემოვიდეს, არც ინვესტიციით, არც რამე პროექტით, რომ მისი კონტროლის მიღმა რამე ფული არ გაჩნდეს, ვინმე არ გამდიდრდეს, ხალხმა არ ამოისუნთქოს, არ გალაღდეს და მისი ანაქრონიზმად ქცეული ხელისუფლება არ გააპანღუროს.
ყველა შანსს ვკარგავთ, რაც უხვად გაჩნდა გლობალური ცვლილებების დროს და რასაც ყველა ჩაეჭიდა გარშემო, სომხეთი, აზერბაიჯანი, ცენტრალურ აზიის დიქტატურებიც კი, იმიტომ რომ არავინ არ არის ასე გახლართული პუტნის მონობაში, როგორც ივანიშვილი. ყველას შეუძლია საკუთარი ქვეყნის ინტერესებიდან გამომდინარე მიიღოს გადაწყვეტილებები, ივანიშვილის გარდა. გული მიკვდება ამ ქვეყნის გამო. არ ვიმსახურებთ ამ უბედურებას.“
კომენტარები