“გრიგორიადისის და სააკაშვილის შეწყალება იქნება ინდიკატორი, რომ სალომე ზურაბიშვილი აღარ არის ოცნების ნაპირზე” – თავდგირიძე

სამხედრო ექსპერტი, გიორგი თავდგირიძე:

მიუხედავად იმისა, გუშინ სალომე ზურაბიშვილმა მნიშვნელოვანი დარტყმა მიაყენა ოცნებას, დააზარალა და დაასუსტა მმართველი გუნდი, მას თავისი რუბიკონი ჯერ არ გადაულახავს. ლაზარე გრიგორიადისის და მიხეილ სააკაშვილის შეწყალება იქნება ინდიკატორი, რომ სალომე ზურაბიშვილი აღარ არის იმ ნაპირზე რომელზეც ოცნება რჩება. მან რეალურად უნდა შეაფასოს რუსეთის მიმართ არგაღიზიანების და დასავლეთისაგან დისტანცირების პოლიტიკა რა საფრთხეს უქმნის საქართველოს სახელმწიფოებრიობას. ვერ ვხედავ (ძნელი წარმოსადგენიაცაა) სალომე ზურაბიშვილს ოპოზიციაში ან ოპოზიციის გვერდით, მაგრამ თუ უნდა თავისი დადებითი კვალი დატოვოს როგორც პრეზიდენტმა, ორ მნიშვნელოვან საკითხში უნდა იყოს ძალიან აქტიური: დაუპირისპირდეს ოცნების ანტიდასავლურ პოლიტიკას და ყველაფერი გააკეთოს არჩევნების გაყალბების პრევენციის ძლიერი ინსტრუმენტების ჩამოსაყალიბებლად.