შინაგან საქმეთა სამინისტროს შიდა ქართლის პოლიციის დეპარტამენტის უფროსის, ვალერი თელიას განცხადებით, გორში მიმდინარე სპეცოპერაციის ფარგლებში, ერთი მოქალაქის ჩხრეკის შედეგად, გაურკვეველი სახის ნივთიერება ამოიღეს.
როგორც მანვე აღნიშნა, საპოლიციო ღონისძიება, გორის გარდა, სხვა ტერიტორიაზეც მიმდინარეობს.
„ამ ეტაპზე სხვადასხვა „ლოკაციაზე“ საპოლიციო ღონისძიება მიმდინარეობს. მოსამართლის განჩინების საფუძველზე ერთ მოქალაქეს შიდა ქართლის რეგიონში ჩხრეკა ჩაუტარდა.
აღმოჩენილ იქნა გარკვეული სახის ნივთიერება, რომელიც ექსპერტიზაზე გაიგზავნება. ასევე, მიმდინარეობს ღონისძიება სხვა „ლოკაციაზე“, – განაცხადა ვალერი თელიამ.
კომენტარები