სასჯელაღსრულების ყოფილი მინისტრი, კახი კახიშვილი, “ტვ პირველთან” ადასტურებს ინფორმაციას, რომ ძალადობაში დადანაშაულებული გლდანის მე-18-ე სამედიცინო დაწესებულების ერთ-ერთი ხელმძღვანელი პირი, გოგა ორდენიძე, სისტემაში მან დააბრუნა.
პოლიციაში მუშაობდა და იქიდან ვიცნობ. ჯერ კიდევ 2008 წელს გამოვიდა ციხიდან, რეაბილიტირებული იყო და სასჯელაღსრულების მინისტრობის დროს სამსახურში დავნიშნე. როგორც მე ვიცი, მას კანონთან არანაირი პრობლემა არ ჰქონდა, გაქარწყლებული ჰქონდა დანაშაული და შესაბამისად დაინიშნა.
კიდევ ერთხელ გეუბნებით, როცა მან შემოიტანა განცხადება, როგორც წესი და კანონია, გაიარა შემოწმება და შესაბამისად დაინიშნა. მისი პირადი ცხოვრება არ მაინტერესებდა და არც ახლა მაინტერესებს! მე პასუხისმგებელი პირი ვიყავი იმისთვის, რომ კანონი არ დამერღვია და არც დამირღვევია.
მასთან პირადი ნაცნობობა როგორ არ მაკავშირებდა, პოლიციაში მუშაობდა. ჩემი უბნელია, თუმცა ამის მეტი მასთან არანაირი ურთიერთობა არ მქონია. ნაცნობობას მის დანიშვნასთან არანაირი კავშირი არ ჰქონია.
როგორ ფიქრობთ, მე ამხელა სისტემაში ვიჯექი და ვსწავლობდი მის ცხოვრებას? ამისთვის სპეციალური სამსახური იყო. იმაშიც დარწმუნებული ვარ, რომ სამსახურს არანაირი კანონი არ დაურღვევია. მეტსაც გეტყვით, არ ვიცოდი არც მუხლები და არც საქმეები, იმიტომ რომ როცა ეს ადამიანი შემოვიდა სასჯელაღსრულების სისტემაში მუშაობის თხოვნით, შესაბამისად იმ პერიოდში რა მოთხოვნებიც იყო სამსახურის დასაწყებად, მას არანაირი დარღვევა არ ჰქონია” – ამბობს კახიშვილი.
მე მასთან პოლიციაში მუშაობის პერიოდში სამსახურეობრივი შეხება არ მქონია, უბრალოდ ვიცოდი, რომ სამართალდამცავი იყო. აბსოლუტურად არანაირი შეხება არ მქონია. სისტემაში დაახლოებით 6000 კაცი მუშაობს და რამდენი ადამიანია ჩემს მიერ დანიშნული და გათავისუფლებული, როგორ ფიქრობთ, ყველას ვიცნობ? მე ბევრი პოლიციელი ვიცი გვარით და სახელით, ნანახი მყავს, სადღაც შენახვედრი ვარ. ასე ვიცნობ მასაც და დაგიკონკრეტეთ კიდეც. მეგობრული კავშირი არ მაკავშირებს. ისიც ისნის რაიონში ცხოვრობს. ახლო მეზობლური, ახლო მეგობრული მე მასთან არ მქონია.
არსებული ინფორმაციით, გოგა ორდენიძემ გლდანის მე-18 სამედიცინო დაწესებულებაში შესახლებისას მიხეილ სააკაშვილს სიტყვიერი შეურაცხყოფა მიაყენა. ეს უკანასკნელი დაწესებულების დირექტორის პირველი მოადგილე გოგა ორდენიძეა.
ირკვევა, რომ ორდენიძე წლების წინ შსს-ში ისანი-სამგორის პოლიციის განყოფილებაში მუშაობდა, ის 2006 წელს ქრთამის აღების ფაქტზე დააკავეს და 6 წლიანი პატიმრობა მიუსაჯეს.
წყარო – ტვ პირველი
კომენტარები