“გოგა ხაინდრავა კეთილშობილ ქალწულად მომეჩვენა” – ირაკლი კაკაბაძე

პატრიარქ შიო მესამის ბავშვობის მეგობარი, მწერალი ირაკლი კაკაბაძე ინგა გრიგოლიას “რეაქციაში“ პატრიარქის ინტრინიზაციაზე საუბრობს და ამბობს;

ყველაფერი საოცარი იყო დღეს, პატრიარქმა შიომ საოცარი აურა შექმნა, უღირსეულეს მეუფეებთან ერთად, დანიელი და ისაია ედგნენ გვერდში და არაჩვეულებრივი დანარჩენი ხალხი. ამ ეკლესიის ხალხმა საოცარი კეთილშობილება გამოსცა. ყველაფერი კარგი იყო, უკანასკნელი ტარტაროზიც კი მოგეჩვენებოდათ... აი, მაგალითდ გოგა ხაინდრავას შევხედე და კეთილშობილ ქალწულად მომეჩვენა. უცბად ვიფიქრე, რომ აი, კაბა აცვია და დაფრინავს-დაფარფატებს გოგა ხაინდრავა ცაში, როგორც კეთილშობილი ქალწული. ამას რომ თავი დავანებოთ, მართლაც ყველანაირად საოცარი ენერგია აქვს. შიო იყო საოცრად სეკულარული და განათლებული ადამიანი. ეს გადაწყვეტილება რომ მიიღო, გიომ მითხრა და პირი მქონდა 1 საათი დაღებული. ვერ წარმოვიდგინე, რომ შიო მუსიკიდან, რომელიც იყო ნამდვილი ვარსკვლავი, კონსერვატორიის და ოპერის ორკესტრთან ერთად უკრავდა, ვარსკვლავებს რომ წყვეტდა ციდან, ეს ახალგაზრდა კაცი წავიდა ამ ცხოვრებაში, ეს ნამდვილად მეტაფიზიკური ნიშანია.