,,გარდაიცვალა ბუმბერაზი ქართველი, საქართველოს უახლესი ისტორიის მემატიანე, კინორეჟისორი, საქართველოს რესპუბლიკის უზენაესი საბჭოს თავმჯდომარე, ბატონი ალიკო ალექსანდრე ჟღენტი! ზვიადის და თავისი მამულის უერთგულესი სიცოცხლის უკანასკნელ წუთამდე… გისამძიმრებ, საქართველოვ! რა ვთქვა? როგორ ამოვთქვა? რაღა ვთქვა? როგორ მოგისამძიმროთ თქვენ, ყველა მის ახლობელს, საკუთარ თავს, საქართველოს? არადა, წუხელ გვიან ველაპარაკეთ ტელეფონზე … როგორ განვიცდი, ვბღავივარ… ჩვენი უდიდესი მეგობარი…” – წერს სოციალურ ქსელში ჟურნალისტი ქეთი სესიაშვილი.
ალექსანდრე (ალეკო) ჟღენტი 1972 წლიდან მუშობდა რეჟისორად კინოსტუდია ,,ქართულ ფილმში”; 1990 წელს იყო ინიციატორი ფეხბურთში ეროვნული ჩემპიონატის ჩატარებისა; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე; 2002 წელს სპორტული კინოსა და ტელევიზიის მსოფლიო დღის დაარსების ინიციატორი. დამდგმელი რეჟისორია ფილმების: ,,მონადირე”, ,,ცოტნე დადიანი”, ,,ამბავი აფხაზი ჭაბუკისა”, ,,სტადიონი” (დოკუმენტური, 1980), ,,გაუმარჯოს ქართულ ფეხბურთს!” (დოკუმენტური), ,,ქართული ფეხბურთი 110 წლისაა” (დოკუმენტური, 2011) და სხვა;
კომენტარები