19 წლის ფეხბურთელის მკვლელობა – გიორგი შაქარაშვილის საქმის პროკურორის დავით ყაზარაშვილის ინფორმაციით, შაქარაშვილის ჩანთის შუალედური ექსპერტიზის შედეგად ხუთი პირის დნმ გამოვლინდა, რომელთაგან 2 ცნობილია და გიორგი შაქარაშვილს, ჩანთის მფლობელს ეკუთვნის, მესამე კი სავარაუდოდ ნათესავის დნმ-ია.
,,დასკვნა მოვიდა ორი კვირის წინ, ეს არის შუალედური დასკვნა. ექსპერტიზის შედეგად, უშუალოდ ჩანთაზე, რომელიც ეკუთვნოდა გიორგი შაქარაშვილს და აღმოჩენილია მდინარე არაგვის ნაპირზე, ამოსული ბიოლოგიური მასალა შედარდა როგორც თავდამსხმელების, ასევე მკვლელობაში ბრალდებულებისა და იმ პირების ბიოლოგიურ მასალასთან, რომლებმაც დაზარალებულები წაიყვანეს შემთხვევის ადგილიდან, საუბარია ე.წ საბურთალოელებზე. თუმცა მათი დნმ პროფილი არ ამოსულა ჩანთაზე, ჩანთაზე ამოვიდა გიორგი შაქარაშვილის დნმ პროფილი და იმ პიროვნების დნმ, რომელსაც ეკუთვნოდა ჩანთა. დასკვნაში მითითებულია, რომ ერთ-ერთი პროფილი შესაძლოა ეკუთვნოდეს გიორგი შაქარაშვილის ნათესავს და ამ კუთხითაც მიმდინარეობს კვლევა”, – აღნიშნა დავით ყაზარაშვილმა.
მისი განმარტებით, ის ფაქტი, რომ ვინმეს დნმ ჩანთაზე არ ამოვიდა, არ ნიშნავს იმას, რომ ეს პიროვნებები შემხებლობაში არ არიან შაქარაშვილთან.
,,კვლევა ასევე მიმდინარეობს ყველა იმ პირთან მიმართებაში, რომლებსაც შესაძლოა რაიმე სახით შემხებლობა ჰქონოდათ ჩანთასთან. ამ დროისთვის ექსპერტიზის ბიუროში წარდგენილია ასზე მეტი დნმ პროფილი და ყოველდღიურად მიმდინარეობს კვლევა. თავიდან ვერავინ აირიდებს პასუხისმგებლობას, თუ ვინმეს დნმ-ი არ ამოვიდა ჩანთაზე ეს არ ნიშნავს, რომ ის შემხებლობაში არაა შაქარაშვილთან. დაიკითხება შესაბამისი ექსპერტი, რომელიც ახსნის რა შემთხვევაში რჩება დნმ-ის პროფილი ან რა შემთხვევაში იშლება ჩანთიდან ან რაიმე ნივთიდან. რაც შეეხება მაშველებს ან პოლიციის თანამშრომლებს, რომლებსაც შეხება შესაძლოა ჰქონოდათ შაქარაშვილთან, მიმდინარეობს ექსპერტიზა”, – განაცხადა დავით ყაზარაშვილმა
პროკურორი მართალია, არის შემთხვევები, როცა დნმ-ის კვალი არ რჩება, მაგრამ ამ შემთხვევაში დარჩენილია დნმ-ის კვალი და აქედან 2 ჯერ კიდევ არ ვიცით, ერთი კი, რომელიც სავარაუდოდ ნათესავს ეკუთვნის, 2,5 თვის მერეც კი დაუდგენელია ზუსტად ნათესავს ეკუთვნის, თუ არა.
მტკიცებულების არქონა გასაგებია, მტკიცებულებების არქონა, ამ შემთხვევაში დნმ-ის კვალის არქონა, არ იქნება გადამწყვეტი, თუ სხვა მტკიცებულებებიც ექნება პროკურატურას. მტკიცებულებების არქონა მარტო ერთ რამეს ნიშნავს, რომ უნდა მიტრიალდე და სხვა გზით ეძებო მტიცებულებები, თორემ, მტკიცებულებების გარეშე მოგებული პროცესი – ნორმალური ქვეყანაში, გაუგებარია!
და ბოლოს, ბატონო პროკურორო, თუ ჩანთაზე ვერ ნახავთ დნმ-ს, თუ გიორგის ტანსაცმელზე, ფრჩხილების ქვეშ, ბრალდებულთა ტანსაცმელე, მანქანაში, ფრჩხილების ქვეშ ვერაფერს ნახავთ და თუ არც ერთი მტკიცებულება გექნებათ, კი, ეს იმას ნიშნავს, რომ საქმე ვიღაცამ გააყალბა, ან ეს პირები არ იყვნენ შემხებლობაში გიორგისთან და ამ საქმეს ორი ირიბი მოწმის ჩვენებით ვერ მოიგებთ.
ალია
კომენტარები