ფოტო – მთავარი
ლაგოდეხში ყოფილი ცოლის მკვლელობისთვის დაკავებული გიორგი ბარბაქაძე წარდგენილ ბრალდებაში თავს დამნაშავედ ცნობს. დანაშაული მან ცოტა ხნის წინ, თელავის რაიონულ სასამართლოში გამართულ სხდომაზე აღიარა, სადაც აღკვეთის ღონისძიების შეფარდებაზე იმსჯელეს.
დაცვის მხარე ბრალდებულისთვის 5 000-ლარიანი გირაოს შეფარდებას ითხოვდა, თუმცა პროკურატურამ ადვოკატის შუამდგომლობა არ დააკმაყოფილა და ბარბაქაძე პატიმრობაში დატოვა.
გიორგი ბარბაქაძეს დღევანდელ პროსზე სიტყვის თქმის უფლებით არ უსარგებლია.
შეგახსენებთ, სასტიკი მკვლელობა ლაგოდეხში 15 იანვარს მოხდა. გამოძიების მტკიცებით, ოჯახური კონფლიქტის ნიადაგზე, გიორგი ბარბაქაძემ ყოფილი მეუღლე ჯერ გაგუდა, შემდეგ კი კვალის დაფარვის მიზნით საცხოვრებელ სახლში ბუნებრივი აირი გაუშვა.
ბრალის დამტკიცების შემთხვევაში, მას 17 წლამდე პატიმრობა ემუქრება.
წყარო – მთავარი
კომენტარები