თამარ ბაჩალიაშვილის დედა, თეონა თამაზაშვილი:
ეჰ რა ბედნიერი ვიყავი დე 5წლის წინ როცა შენ მყავდი გვერდით. სიცოცხლე მიხაროდა რადგან ცხოვრება ფერადი იყო.ახლა ერთფეროვანი ან უფერულია, საჭმელი უგემურია, აღარც მზის ამოსვლა მიხარია და აღარც მთვარეს ვუთქვამ სურვილებს.სახეზე მეტყობა უშენობა. ყოველი გასული დღე შენთან შეხვედრას მაახლოვებს. ჩემი ანგელოზი ხარ ზეციურ საქართბელოში და სამუდამო სევდა. მადლობა უფალს შენი დედობა რომ მარგუნა. 23 წელი მაბედნიერებდი. გილოცავ 28 წლის იუბილეს. მიყვარხარ და უსაშველოდ მენატრები. შეხვედრამდე. მაპატიე კიდევ ერთხელ რომ ვერ დაგიცავი ამ ბოროტ სამყაროში
23 წლის პროგრამისტი თამარ ბაჩალიაშვილი 2020 წლის 18 ივლისს გაუჩინარდა. ოთხი დღის შემდეგ, მას მერე, რაც ოჯახმა და ახლობლებმა გზა გადაკეტეს, თამარი თეთრიწყაროს მუნიციპალიტეტში, სოფელ მაწევნის ტერიტორიაზე, დაუსახლებელ ადგილას, სამანქანო გზიდან რამდენიმე ათეული მეტრის დაშორებით, საკუთარ მანქანაში, გარდაცვლილი იპოვეს. ოჯახს კატეგორიულად არ სჯერა სუიციდის ვერსიის.
კომენტარები