ანალიტიკოსი დავით ქართველიშვილი სოციალურ ქსელში იმ ტექნოლოგიებზე წერს, რომლის საშუალებითაც ექსპრეზიდენტ სააკაშვილს საკუთარი ვიდეომიმართვის გადაღების ადგილის გაყალბება შეეძლო.
„ამ ეტაპზე ვესაუბრე სპეციალისტს – წარმოიდგინეთ, რომ წინასწარ შეკვეთილი გაქვთ ღამის ბათუმის ბულვარის კადრების სამოყვარულო კამერით გადაღება, გადამღები ტელეფონის აქეთ-იქეთ ტრიალით.
მერე გადმოგაქვთ გადაღებული მასალა დიდ ეკრანზე, ჩაბნელებულ ოთახში ეკრანის წინ სტატიკურ მდგომარეობაში ყვებით სუსულელეს – დინამიკა არც გჭირდებათ, დინამიკას ქმნის წინასწარ გადაღებული მოძრავი ვიდეორგოლი.
დიდი დამაჯერებლობისთვის წინასწარ “ქრებით” უკრაინიდან, უბრალოდ არ ჩანხართ არსად და არც ზელენსკის მოწყობილ კონგრესზე ჩნდებით. მერე უკვე აქ “ქრებით” 3 ოქტომბრამდე და გარწმუნებთო, მითხრა სპეციალისტმა – მსგავს დღისით გადაღებულ სიუჟეტს ვერ იხილავთო, “ღამის” ეფექტი ჩრდილავსო ვიდეომონტაჟს. მაგრამ უნდობლობას ამ სახელმწიფოსადმი რა თქმა უნდა თესავ – აი ხომ ხედავთო, რაის დამჭერები არიან ჩემი და ა.შ.“- წერს ქართველიშვილი და კიდევ ერთხელ განმარტავს, რომ ეს სპეციალისტის მოსაზრებაა ამ თემაზე.
„ეს იყო სპეციალისტის მოსაზრება, დაველოდოთ პროფესიონალების დასკვნას, მანამდე კი დავწყნარდეთ და მოვემზადოთ “41”-ის შემოსახაზად!“- წერს დავით ქართველიშვილი.
ცნობისათვის, მიხეილ სააკაშვილი სოცილური ქსელის საშუალებით ავრცელებს ინფორმაციას, რომ საქართველოში, კერძოდ ბათუმში იმყოფება. ექსპრეზიდენტმა ორი ვიდეო მიმართვა და რამდენიმე პოსტი გაავრცელა და საზოგადოებას მხარდაჭერისაკენ მოუწოდა.
კომენტარები