საქართველოს შინაგან საქმეთა სამინისტროს ოფიციალურ გვერდზე სოციალურ ქსელში, ქვეყნდება შს მინისტრ, გელა გელაძის ფოტოთი წერილი, რომელსაც გეკა გელაძე აწერს ხელს. სავარაუდოდ, ეს მინისტრის ზედმეტსახელია. ცნობისთვის, პირველი შს მინისტრი გვყავს, რომელიც “კლიჩკით” აწერს წერილებს ხელს.
გამომდინარე იქედან, რომ ბოლო წლებში სუსში მუშაობდა, შესაძლოა, სწორედ უსაფრთხოების სამსახურიდან შეძენილი ზედმეტსახელია? უცნობია, სუსის ამჟამინდელ უფროსს, ანრი ოხანაშვილს თუ აქვს ზედმეტსახელი, ან რა ზედმეტსახელი ჰქონდა გომელაურს. თუ სახელის ბოლოს მარცვალი – კა–თი უნდა ჩანაცვლდეს, გამოდის, ანრი – ანკა? ვახტანგი – ვახტანკა? – არა, როგორც ჩანს, სხვა პრინციპია.
“საქართველოს სახელმწიფო უსაფრთხოების სამსახურის თითოეულ თანამშრომელს ვულოცავ სამსახურის დაარსების მე-10 საიუბილეო წელს.
ეს ათწლეული წარმოადგენს თითოეული თქვენგანის ყოველდღიური თავდადების, მუხლჩაუხრელი შრომისა და ქვეყნისთვის უპირობო მსახურების ისტორიას. სწორედ თქვენს ერთგულებასა და საქმიანობაზე დგას ჩვენი ქვეყნის უსაფრთხოება და სტაბილურობა, რისთვისაც გულითად მადლობას გიხდით.საამაყოა, რომ უსაფრთხოების სამსახური ჩამოყალიბდა იმ უმძლავრეს ინსტიტუციად, რომელიც ეფექტიანად უზრუნველყოფს შიდა და გარე საფრთხეების გამოვლენას, პრევენციასა და აღკვეთას, ებრძვის ტერორიზმსა და კორუფციას, იცავს თითოეული მოქალაქის უსაფრთხოებას, ქვეყნის სუვერენიტეტსა და ტერიტორიულ მთლიანობას.კიდევ ერთხელ გილოცავთ პროფესიულ დღეს, გისურვებთ მშვიდობასა და წარმატებას თქვენს საქმიანობაში, ჩვენი ქვეყნის საკეთილდღეოდ!”
შინაგან საქმეთა მინისტრი, გეკა გელაძე”– წერს უწყება
კომენტარები