გაზის თუ ელექტრო წყალგამაცხელებელი? – დადებითი და უარყოფითი მხარეები

კარგი ხარისხის გაზის (ე.წ. კალონკა) და ელექტროწყალგამაცხელებლების (ე.წ. ბაკი) ფასში დიდი სხვაობა არ არის და თუ სახლში გაზიც შეყვანილი გაქვთ და ელექტროენერგიაც, რომელი გამაცხელებელი უნდა აირჩიოთ?

შევადაროთ ეს ორი ტიპის გამაცხელებელი ერთმანეთს.

მონტაჟი:

წყლის ელექტროგამაცხელებლის მონტაჟი მარტივია, მისი დამონტაჟება შესაძლებელია ნებისმიერ ოთახში. არ საჭიროებს ძვირადღირებული ლითონის მილების ყიდვას და სავენტილაციო სისტემის დაყენება.

გაზის წყალგამაცხელებლის მონტაჟისთვის ბევრი დეტალია გასათვალისწინებელი, არ შეიძლება მისი ყველგან განთავსება, მათ შორის, სველ წერტილებში, საჭიროა ოთახის ხშირი ბუნებრივი ვენტილაცია, არ შეიძლება მისი დაერთება სავენტილაციო მილთან, არ შეიძლება მისი მონტაჟი აალებადი მასალისგან დამზადებულ კედლებზე, უმეტესად საჭიროებს კედლის გახვრეტას გამწოვი მილის დასამონტაჟებლად და ა.შ.

უსაფრთხოება:

მონტაჟის სირთულე ერთ შემთხვევში და სიმარტივე მეორე შემთხვევაში, თავისთავად მიგვანიშნებს იმას, რომელ წყალგამაცხელებელთან უნდა გამოვიჩინოთ მეტი სიფრთხილე. აქვე გეტყვით იმასაც, რომ 2022 წლიდან ახალი რეგულაციის მიხედვით გამკაცრებულია უსაფრთხოების მოთხოვნები, შესაბამისად, მხოლოდ ახალი თაობის მოდელებია პრიორიტეტული, მაგალითად, არისტონის „კალონკა“.

და თუ მაინც „კალონკის“ შეძენას გადაწყვეტთ, არ დაგავიწყდეთ, მისმა გამონაბოლქვმა რომ არ დააბინძუროს გარემო, სჯობს, ენერგოეფექტურ მოდელზე გააკეთოთ არჩევანი, ისეთი, როგორიცაა Ariston, ან Vanward.

პროდუქტიულობა:

გაზის გამაცხელებელი (კალონკა) წყალს აცხელებს სწრაფად, ზაფხულში კიდევ უფრო სწრაფად. სამწუხაროდ, ძველი მოდელის გაზის გამაცხელებლის მუშაობა დამოკიდებულია სახლში მოშვებული ონკანების რაოდენობაზე და წყლის წნევაზე. ამ ტიპის გამაცხელებლის პირობებში რამდენიმე ონკანიდან ერთროულად ცხელ წყალს ვერ მივიღებთ „კალონკის“ ძველი მოდელებიდან. თუმცა, არისტონის მოდელის ახალმა „კალონკებმა“ დროს გაუსწრეს და რამდენ ონკანზეც გსურთ, იმდენზე მოგემსახურებათ.

ელექტრო წყალგამაცხელებლების ავზიდან დაუყოვნებლივ ვერ მივიღებთ ცხელ წყალს, წყლის გაცხელება დამოკიდებულია ავზის მოცულობაზე და გათბობის ელემენტის რაოდენობასა და სიმძლავრეზე. ზაფხულში ისიც უფრო სწრაფად ათბობს წყალს. წყლის ელექტროგამაცხელებელი ცხელ წყალს საჭირო ტემპერატურამდე იმდენ ხანს ინახავს, სანამ არ გავხარჯავთ. მას შეუძლია თავად დაარეგულიროს წყლის წნევა და რამდენიმე ონკანსაც თავისუფლად მოემსახუროს მანამ, სანამ ცხელი წყალი არ ამოიწურება ავზში.

ოპერაციული მახასიათებლები:

თუ თქვენ ძველი მოდელის „კალონკით“ სარგებლობთ და წყლის წნევა დაეცემა, გაზის წყალგამაცხელებელი არ იმუშავებს, გაზი არ აინთება. იგივე მოხდება გაზის წნევის დავარდნის შემთხვევაში. თუმცა, არისტონის ახალი თაობის „კალონკებმა“ ისტორიის ეს ფურცელიც უკან მოიტოვეს და მათ მინიმალურ წნევაზე შეუძლიათ მუშაობა (0,1 ბარიდან, რაც დაახლოებით 2 ლ/წთ-შია).

ელექტრო წყალგამაცხელებელი არ არის დამოკიდებული არც წყლის წნევაზე, არც გაზის წნევაზე და თქვენ წარმოიდგინეთ, არც ელექტრო ძაბვაზეც, რადგან, წყლის გამაცხელებლების ახალი მოდელების უმრავლესობას, ელექტრო ძაბვის ცვლილების რეგულირებაც შეუძლია.

სერვისი

გაზის წყალგამაცხელებლისგან განსხვავებით,  ელექტრო წყლის გამაცხელებელს შეუძლია უფრო დიდხანს იმუშაოს სპეციალისტების ჩარევის გარეშე, მაგრამ მას აუცილებლად სჭირდება წელიწადში ერთხელ ავზის გაწმენდა.

წყლის ელექტროგამაცხელებლები ბოლო პერიოდში სულ უფრო პოპულარი ხდება, რამდენიმე მიზეზის გამო:

1. აგარაკებზე უმეტესად არ არის გაზმომარაგების სისტემა გაყვანილი, ამიტომ იქ ერთპიროვნულად ლიდერობს წყლის ელექტროგამაცხელბელი.
2. ელექტრო წყლისგამაცხელებლებს იყენებენ აქტიურად საწარმოებშიც – რადგან ამ მოწყობილობით შესაძლებელია წყლის დიდი მოცულობის გაცხელება და შენახვა საჭირო დრომდე, მისი გამოყენებისას, კი რამდენიმე ონკანის მოშვება ერთდროულად, პრობლემას არ წარმოადგენს. გაგიკვირდებათ და საკმაოდ ეკონომიურადაც მუშაობენ, ტემპერატურის სენსორების წყალობით, რომელიც ჩართულია მხოლოდ წყლის ტემპერატურის სასურველი დონის შესანარჩუნებლად.

ეს არის წყლის გაზის და ელექტროგამაცხელებლების დადებითი და უარყოფითი მხარეები. საბოლოო ჯამში, გადაწყვეტილების მიღება, რომელი გამაცხელებელი უნდა აირჩიოთ, მაინც თქვენზეა.

აუცილებლია გაზის გამაცხელებლის მონტაჟისას გაითვალისწინოთ როგორც მწარმოებლის რეკომენდაციები, ასევე, მისი მონტაჟი მხოლოდ პროფესიონალს ანდოთ და სასურველია, ისიც გადაამოწმოთ.

ელექტრო წყალგამაცხელებელი კი უნდა დამონტაჟდეს მწარმოებლის რეკომენდაციების შესაბამისად.